Framboðslistar Bjartrar framtíðar kynntir

Konur af erlendum uppruna leiða framboðslista Bjartrar framtíðar í tveimur kjördæmum í þingkosningunum í lok mánaðar. Stjórn flokksins samþykkti sex efstu frambjóðendur á framboðslistum í öllum kjördæmum nú síðdegis.

Óttarr Proppé og Björt Ólafsdóttir, núverandi ráðherrar flokksins í ríkisstjórn, leiða listana í Reykjavíkurkjördæmi norður annars vegar og Suðvesturkjördæmi hins vegar.

Nicole Leigh Mosty, þingmaður Bjartrar framtíðar sem er upprunin í Bandaríkjunum, leiðir listann í Reykjavíkurkjördæmi suður.

Í Suðurkjördæmi er Jasmina Crnac, stjórnmálafræðinemi sem á ættir sínar að rekja til Bosníu, efst á lista.

Guðlaug Kristjánsdóttir, sjúkraþjálfari, forseti bæjarstjórnar í Hafnarfirði og stjórnarformaður Bjartrar framtíðar, leiðir í Norðvesturkjördæmi og Arngrímur Víðar Ásgeirsson, hótelstjóri og íþróttakennari, ef efstur í Norðausturkjördæmi.

Listarnir eru eftirfarandi:

Reykjavíkurkjördæmi norður

Óttarr Proppé, ráðherra og formaður Bjartrar framtíðar

Auður Kolbrá Birgisdóttir, lögmaður

Sunna Jóhannsdóttir, viðskiptafræðingur

Ágúst Már Garðarsson, kokkur

Sigrún Gunnarsdóttir, hjúkrunarfræðingur og dósent í þjónandi forystu

Steinþór Helgi Arnsteinsson, viðburðastjóri CCP og dómari í Gettu betur

Reykjavíkurkjördæmi suður

Nichole Leigh Mosty, þingmaður

Hörður Ágústsson, eigandi Macland

Starri Reynisson, stjórnmálafræðinemi

Þórunn Pétursdóttir, landgræðsluvistfræðingur

Diljá Ámundadóttir, KaosPilot og MBA

Steinunn Ása Þorvaldsdóttir, starfsmaður á mannréttindaskrifstofu Reykjavíkurborgar

Suðvesturkjördæmi

Björt Ólafsdóttir, ráðherra

Karólína Helga Símonardóttir, mannfræðingur

Halldór Jörgensson, framkvæmdastjóri

G. Valdimar Valdemarsson, framkvæmdastjóri

Ragnhildur Reynisdóttir, markaðsstjóri

Pétur Óskarsson, framkvæmdastjóri

Suðurkjördæmi

Jasmina Crnac, stjórnmálafræðinemi

Arnbjörn Ólafsson, markaðsstjóri Keilis

Valgerður Björk Pálsdóttir, framkvæmdastjóri

Drífa Kristjánsdóttir, bóndi

Guðfinna Gunnarsdóttir, framhaldsskólakennari

Eyrún Björg Magnúsdóttir, framhaldsskólakennari

Norðvesturkjördæmi

Guðlaug Kristjánsdóttir, sjúkraþjálfari, forseti bæjarstjórnar í Hafnarfirði og stjórnarformaður Bjartrar framtíðar

Kristín Sigurgeirsdóttir, skólaritari í tónlistarskóla Akraness

Elín Matthildur Kristinsdóttir, meistaranemi

Gunnsteinn Sigurðsson, þroskaþjálfi og kennari

Ásthildur Ósk Ragnarsdóttir, skólaliði og handverkskona

Ólína Ingibjörg Gunnarsdóttir, hjúkrunarfræðingur

Norðausturkjördæmi

Arngrímur Viðar Ásgeirsson, hótelstjóri og íþróttakennari

Halla Björk Reynisdóttir, flugumferðastjóri

Hörður Finnbogason, ferðamálafræðingur

Áshildur Hlín Valtýsdóttir, kennari og markþjálfi

Jónas Björgvin Sigurbergsson, sálfræðinemi

Kristín Björk Gunnarsdóttir, verkefnastjóri og garðyrkjufræðingur