Eiður æfði með Molde og stakk sér til sunds í sjónum með Sveppa | Myndband

Eiður Smári Guðjohnsen reimaði aftur á sig takkaskóna í dag og æfði með Molde í Noregi.

Eiður hefur undanfarnar vikur ferðast með Sverri Þór Sverrissyni, Sveppa, til þeirra félaga sem Eiður spilaði með á löngum og farsælum ferli. Þeir félagar eru að vinna heimildarþætti um feril Eiðs fyrir Sjónvarp Símans.

Eiður lék með Molde frá febrúar til ágúst í fyrra. Það var síðasta félagið sem hann lék með á ferlinum.

Eiður æfði með Molde í dag og þeir Sveppi stungu sér svo til sunds í sjónum.

Myndbrot af heimsókn Eiðs til Molde má sjá hér að neðan.