Margir fá stórt tækifæri

Heimir Hallgrímsson landsliðsþjálfari hefur tilkynnt byrjunarlið sitt fyrir leikinn gegn Tékkum á eftir.

Heimir hafði áður sagt að þeir sem hafa mátt sætta sig við mikla bekkjarsetu myndu fá tækifæri í þessum tveimur leikjum í Katar.

Enda eru ekki margir fastamenn í byrjunarliði Íslands í dag og margir að fá tækifæri. Þar á meðal er markvörðurinn ungi, Rúnar Alex Rúnarsson, sem byrjar á milli stanganna.

Leikurinn hefst klukkan 14.45 og verður í beinni útsendingu á Stöð 2 Sport.

Lið Íslands gegn Tékklandi:

Markvörður: Rúnar Alex Rúnarsson

Vörn: Hörður Björgvin Magnússon, Kári Árnason (F), Sverrir Ingi Ingason og Hjörtur Hermannsson

Miðja: Ari Freyr Skúlason, Birkir Bjarnason Ólafur Ingi Skúlason og Jóhann Berg Guðmundsson

Sókn: Viðar Örn Kjartansson og Kjartan Henry Finnbogason