Grímur Grímsson maður ársins: „Langar miklu meira að vera andlitslaus þegar ég fer í ræktina“ Samúel Karl Ólason skrifar 31. desember 2017 11:45 Grímur Grímsson, yfirlögregluþjónn er Maður ársins 2017 að mati hlustenda Bylgjunnar og lesenda Vísis. Vísir/Kristó Grímur Grímsson er maður ársins 2017 að mati hlustenda Bylgjunnar og lesenda Vísis. Kosning á milli þeirra tíu sem hlutu flestar tilnefningar stóð yfir um hátíðarnar og greiddu á sautjánda þúsund manns atkvæði. Grímur sem er yfirmaður miðlægrar rannsóknardeildar lögreglunnar á höfuðborgarsvæðinu svaraði fyrir aðgerðir lögreglu í rannsókn á hvarfi Birnu Brjánsdóttur í janúar. Leiddi rannsóknin til handtöku og að lokum nítján ára fangelsisdóms yfir grænlenskum skipverja, Thomasi Möller Olsen. Þótti hann sýna fagmennsku og yfirvegun í framkomu sinni á afar erfiðum tímum.Önnur sem voru tilnefnd: Anna Katrín Snorradóttir, Glódís Tara Fannarsdóttir, Halla Ólöf Jónsdóttir og Nína Rún Bergsdóttir og Bergur Þór Ingólfsson - saman undir merkjum #höfum hátt, þátttakendur í #MeToo, Heimir Hallgrímsson landsliðsþjálfari karla í knattspyrnu, Inga Sæland formaður flokksins, John Snorri Sigurjónsson göngugarpur, Katrín Jakobsdóttir forsætisráðherra, Ólafía Þórunn Kristinsdóttir kylfingur, Stefán Karl Stefánsson leikari og Vilborg Arna Gissurardóttir göngugarpur.Sækist ekki eftir sviðsljósi „Það er óhætt að segja það. Ég sækist ekki eftir sviðsljósi. Ég hef stundum sagt það síðustu mánuði að mig langar miklu meira til þess að vera andlitslaus þegar ég fer í ræktina, heldur en að það sé tekið eftir manni,“ sagði Grímur í viðtali hjá í Reykjavík síðdegis á Bylgjunni.Hann sagðist finna fyrir því að þjóðin þekki hann og að titillinn maður ársins sé mjög sérstakur fyrir sig.Grímur sagði marga hafa komið að rannsókninni á morðinu á Birnu og að allir hefðu haft sitt hlutverk. Eitt væri að hafa yfirumsjón og annað að leggjast yfir gögn. Hann sagði um 45 manns vera í sinni deild og þar gætu jafnvel verið tvöfalt fleiri. Allt að hundrað manns.„Það má segja það og ég get tekið undir það með þér að það vantar mannskap. Hins vegar er það þannig að við reynum að hafa skipulagið með þeim hætti að geta tekist á við þau verkefni sem að á okkar herðar eru lögð og tekið á þeim sómasamlega. Við reynum bara að forgangsraða ef ekki vill betur,“ sagði Grímur.Grímur hefur verið yfirmaður miðlægrar rannsóknardeildar lögreglunnar á Höfuðborgarsvæðinu en heldur nú til meginlands Evrópu til að gerast tengiliður Europol við Ísland.Vísir/AntonHeldur til meginlandsins Nú er Grímur að fara til meginlands Evrópu að gerast tengiliður Europol við Ísland. Hann segir það frábrugðið núverandi starfi sínu. „Það er að því leyti öðruvísi að ég verð einn á þeim stað, ég er ekki alveg einn þar sem ég er núna. Hins vegar verð ég í góðu samstarfi við menn hérna heima.“ Þar mun hann fyrst og fremst taka við tilkynningum og tengja saman íslensku lögregluna við rannsóknir sem ná yfir landamærin. Hann segir málum sem slíkum fara fjölgandi.Ágætt samstarf við fjölmiðla Grímur var spurðu út í samband lögreglu og fjölmiðla og hvort hann hefði fundið fyrir því í þeim verkefnum sem hann hefði leitt á þessu ári. Hvort hann hefði hugsað þeim þegjandi þörfina. „Nei. Ég hef aldrei hugsað þeim þegjandi þörfina. Ég leyfi mér að nálgast þetta þannig að fjölmiðlar hefðu hlutverk sem þeir eru að sinna og ef ég gæti aðstoða með þann hátt að hjálpaði þeim þá væri það velkomið. Þannig reyndi ég að hafa samskipti við fjölmiðlamenn og ég hef ekki fundið annað en að þeim hafi þótt það ágætt. Samstarfið við mig.“ Í mörgum málum hafi lögreglan sent tilkynningar til fjölmiðla og óskað eftir aðstoð fjölmiðla og almennings. Samskipti þar á milli væru mikilvæg.Rúm 30 ár hófust með sumarstarfi Grímur hefur verið Íslendingum áberandi á árinu en hann hefur verið í lögreglunni frá 1987 og gengt þar ýmsum störfum. Almennri lögregluvinnu og rannsóknum. Hann segist ekki hafa verið í því hlutverki að vera í forsvari fyrir mál út á við, áður. „Reyndar var það þannig með mig eins og marga félaga mína að ég hóf sumarstarf í lögreglunni. Sem hefur staðið yfir í þessi rúmu þrjátíu ár. Þetta sumarstarf. Mér líkaði það vel og mér líkar vel þessi félagskapur sem þarna er. Þarna er mikil samstaða og menn geta leitað til hvers annars, hvort sem það er með persónuleg mál eða mál sem tengjast starfinu. Oft erum við í erfiðum málum sem þarf að tala um,“ sagði Grímur. Fréttir ársins 2017 Mest lesið Kýldi konu eftir kynmök: „Hvað, getur þú ekki meira?“ Innlent Slævandi lyf og lágt sætisbak dráttarvélar orsakir banaslyss Innlent Alvarlegt slys í Brúará Innlent Stafræn skírteini hætta í símaveskjum Innlent „Erum ekki dúkkur sem Snorri getur sagt fyrir verkum“ Innlent Íbúar leiti réttar síns vegna flautsins: „Þetta er lýðheilsuógn“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Ein á móti rýmkuðu sorgarleyfi Innlent Ásthildur Lóa skammar þingheim Innlent Fleiri fréttir „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Alvarlegt slys í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Sjá meira
Grímur Grímsson er maður ársins 2017 að mati hlustenda Bylgjunnar og lesenda Vísis. Kosning á milli þeirra tíu sem hlutu flestar tilnefningar stóð yfir um hátíðarnar og greiddu á sautjánda þúsund manns atkvæði. Grímur sem er yfirmaður miðlægrar rannsóknardeildar lögreglunnar á höfuðborgarsvæðinu svaraði fyrir aðgerðir lögreglu í rannsókn á hvarfi Birnu Brjánsdóttur í janúar. Leiddi rannsóknin til handtöku og að lokum nítján ára fangelsisdóms yfir grænlenskum skipverja, Thomasi Möller Olsen. Þótti hann sýna fagmennsku og yfirvegun í framkomu sinni á afar erfiðum tímum.Önnur sem voru tilnefnd: Anna Katrín Snorradóttir, Glódís Tara Fannarsdóttir, Halla Ólöf Jónsdóttir og Nína Rún Bergsdóttir og Bergur Þór Ingólfsson - saman undir merkjum #höfum hátt, þátttakendur í #MeToo, Heimir Hallgrímsson landsliðsþjálfari karla í knattspyrnu, Inga Sæland formaður flokksins, John Snorri Sigurjónsson göngugarpur, Katrín Jakobsdóttir forsætisráðherra, Ólafía Þórunn Kristinsdóttir kylfingur, Stefán Karl Stefánsson leikari og Vilborg Arna Gissurardóttir göngugarpur.Sækist ekki eftir sviðsljósi „Það er óhætt að segja það. Ég sækist ekki eftir sviðsljósi. Ég hef stundum sagt það síðustu mánuði að mig langar miklu meira til þess að vera andlitslaus þegar ég fer í ræktina, heldur en að það sé tekið eftir manni,“ sagði Grímur í viðtali hjá í Reykjavík síðdegis á Bylgjunni.Hann sagðist finna fyrir því að þjóðin þekki hann og að titillinn maður ársins sé mjög sérstakur fyrir sig.Grímur sagði marga hafa komið að rannsókninni á morðinu á Birnu og að allir hefðu haft sitt hlutverk. Eitt væri að hafa yfirumsjón og annað að leggjast yfir gögn. Hann sagði um 45 manns vera í sinni deild og þar gætu jafnvel verið tvöfalt fleiri. Allt að hundrað manns.„Það má segja það og ég get tekið undir það með þér að það vantar mannskap. Hins vegar er það þannig að við reynum að hafa skipulagið með þeim hætti að geta tekist á við þau verkefni sem að á okkar herðar eru lögð og tekið á þeim sómasamlega. Við reynum bara að forgangsraða ef ekki vill betur,“ sagði Grímur.Grímur hefur verið yfirmaður miðlægrar rannsóknardeildar lögreglunnar á Höfuðborgarsvæðinu en heldur nú til meginlands Evrópu til að gerast tengiliður Europol við Ísland.Vísir/AntonHeldur til meginlandsins Nú er Grímur að fara til meginlands Evrópu að gerast tengiliður Europol við Ísland. Hann segir það frábrugðið núverandi starfi sínu. „Það er að því leyti öðruvísi að ég verð einn á þeim stað, ég er ekki alveg einn þar sem ég er núna. Hins vegar verð ég í góðu samstarfi við menn hérna heima.“ Þar mun hann fyrst og fremst taka við tilkynningum og tengja saman íslensku lögregluna við rannsóknir sem ná yfir landamærin. Hann segir málum sem slíkum fara fjölgandi.Ágætt samstarf við fjölmiðla Grímur var spurðu út í samband lögreglu og fjölmiðla og hvort hann hefði fundið fyrir því í þeim verkefnum sem hann hefði leitt á þessu ári. Hvort hann hefði hugsað þeim þegjandi þörfina. „Nei. Ég hef aldrei hugsað þeim þegjandi þörfina. Ég leyfi mér að nálgast þetta þannig að fjölmiðlar hefðu hlutverk sem þeir eru að sinna og ef ég gæti aðstoða með þann hátt að hjálpaði þeim þá væri það velkomið. Þannig reyndi ég að hafa samskipti við fjölmiðlamenn og ég hef ekki fundið annað en að þeim hafi þótt það ágætt. Samstarfið við mig.“ Í mörgum málum hafi lögreglan sent tilkynningar til fjölmiðla og óskað eftir aðstoð fjölmiðla og almennings. Samskipti þar á milli væru mikilvæg.Rúm 30 ár hófust með sumarstarfi Grímur hefur verið Íslendingum áberandi á árinu en hann hefur verið í lögreglunni frá 1987 og gengt þar ýmsum störfum. Almennri lögregluvinnu og rannsóknum. Hann segist ekki hafa verið í því hlutverki að vera í forsvari fyrir mál út á við, áður. „Reyndar var það þannig með mig eins og marga félaga mína að ég hóf sumarstarf í lögreglunni. Sem hefur staðið yfir í þessi rúmu þrjátíu ár. Þetta sumarstarf. Mér líkaði það vel og mér líkar vel þessi félagskapur sem þarna er. Þarna er mikil samstaða og menn geta leitað til hvers annars, hvort sem það er með persónuleg mál eða mál sem tengjast starfinu. Oft erum við í erfiðum málum sem þarf að tala um,“ sagði Grímur.
Fréttir ársins 2017 Mest lesið Kýldi konu eftir kynmök: „Hvað, getur þú ekki meira?“ Innlent Slævandi lyf og lágt sætisbak dráttarvélar orsakir banaslyss Innlent Alvarlegt slys í Brúará Innlent Stafræn skírteini hætta í símaveskjum Innlent „Erum ekki dúkkur sem Snorri getur sagt fyrir verkum“ Innlent Íbúar leiti réttar síns vegna flautsins: „Þetta er lýðheilsuógn“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Ein á móti rýmkuðu sorgarleyfi Innlent Ásthildur Lóa skammar þingheim Innlent Fleiri fréttir „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Alvarlegt slys í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Sjá meira