Hvernig var þetta hægt? | Myndband

Írinn Robby Drought sýndi algjörlega lygileg tilþrif í Muay Thai bardaga á Írlandi á dögunum.

Hann var þá að berjast við landa sinn Mark Frazer og vann hann í fyrstu lotu. Þvílík lota sem það var.

Drought var nálægt því að rota Frazer snemma í bardaganum. Þá greip Frazer í hægri fótinn á Drought sem í kjölfarið tókst á loft og átti eitt flottasta spark sem sést hefur lengi með vinstri. Spark sem kom úr neðra.

Frazer lifði sparkið af en dómarinn stöðvaði bardagann skömmu síðar er Drought var að pakka honum saman upp við kaðlana.