Grét af gleði eftir sögulegan sigur

Hollenska skautahlauparinn Ireen Wüst endurskrifaði Ólympíusöguna í dag þegar hún varð fyrsti skautahlauparinn til að vinna tíu verðlaun á Ólympíuleikum.

Ireen Wüst vann þá gullverðlaun í 1500 metra skautahlaupi kvenna í  Pyeongchang en hún hafði áður unnið silfur í 3000 metra skautahlaupi á þessum Ólympíuleikum.

Ireen Wüst fagnaði gríðarlega þegar ljóst var að hún tæki gullið og grét af gleði. Um leið var metið hennar í karla- og kvennaflokki.

Ireen Wüst hefur nú unnið fimm gullverðlaun, fern silfurverðlaun og eitt brons á Ólympíuleikum.

Most successful Dutch Olympian of all time

Most successful Olympic speed skater.

10th Games medal

Ireen Wust 

Read all about an incredible #WinterOlympics2018 achievement

https://t.co/uVJN3MaH7Gpic.twitter.com/wpf69M3J7a

— BBC Sport (@BBCSport) February 12, 2018

Með þessum tvennum verðlaunum á leikunum í Pyeongchang þá komst hún upp fyrir hina þýsku Claudia Pechstein sem vann níu verðlaun á leikunum frá 1994 til 2006.

Þetta eru fjórðu Ólympíuleikarnir í röð þar sem Ireen Wüst vinnur til verðlauna í 1500 metra skautahlaupi. Hún vann gull í dag og á leikunum í Vancouver 2010, fékk silfur á síðustu leikum í Sotsjí og vann brons í greininni í Torinó 2006.