Fær að minnsta kosti að borða í himnaríki Þórgnýr Einar Albertsson skrifar 24. febrúar 2018 21:00 Börn fá aðhlynningu á bráðabirgðasjúkrahúsi í Austur-Ghouta eftir árásir Assad-liða. Vísir/Epa „Ég er að bíða eftir að sonur minn deyi. Þá verður hann allavega laus við sársaukann. Ég var bara að reyna að baka brauð fyrir hann þegar þakið á húsinu okkar hrundi. Hann er að fara beint til himna. Það er að minnsta kosti matur á himnum.“ Þetta sagði móðir sjúklings í myndbandi sem BBC birti í gær en miðillinn fylgdist með störfum læknisins Amani Balour í Austur-Ghouta í Sýrlandi. Árásir bandamanna Bashars al-Assad, forseta Sýrlands, á Austur-Ghouta héldu áfram í gær og hafa nú að minnsta kosti 462 farist eftir að Assad-liðar settu aukinn þunga í sókn sína á sunnudaginn. Stór hluti hinna látnu var á barnsaldri. Svæðið er síðasta stóra vígi uppreisnarmanna nærri höfuðborginni Damaskus og er umkringt yfirráðasvæðum stjórnarliða. Eru því um 400.000 almennir borgarar innlyksa í Austur-Ghouta þar sem hjálparsamtök segja að matur, vatn, lyf og aðrar nauðsynjavörur séu á þrotum. Á annan tug sjúkrahúsa hafa orðið fyrir sprengjum svo illa gengur að koma særðum undir læknishendur. Samtökin Læknar án landamæra sögðu í yfirlýsingu í gær að árásir stjórnarliða kæmu í veg fyrir að samtökin gætu aðstoðað íbúa. Blóðbankinn væri tómur, sýklalyf og deyfilyf ekki til. Til stóð að öryggisráð Sameinuðu þjóðanna gengi til atkvæðagreiðslu í gær um ályktun um vopnahlé í Sýrlandi en henni var frestað til dagsins í dag að því er Al Jazeera greinir frá. Í drögunum, sem Kúveit og Svíþjóð lögðu fram, er kveðið á um þrjátíu daga vopnahlé í öllu Sýrlandi sem myndi hefjast þremur sólarhringum eftir samþykkt ályktunarinnar. Tveimur sólarhringum eftir það myndu hjálparsamtök flytja nauðsynjar til íbúa og flytja særða á brott. Enn fremur segir í drögunum að 5,6 milljónir Sýrlendinga þurfi aðstoð. Einnig er kveðið á um að vopnahléið nái ekki til hryðjuverkasamtakanna sem kenna sig við íslamskt ríki og al-Nusra, fyrrverandi bandamanna al-Kaída. Rússar, sem hafa neitunarvald í öryggisráðinu, vilja ganga lengra og sagði Sergei Lavrov, utanríkisráðherra Rússlands, að útiloka þyrfti samtök sem ynnu með þeim fyrrnefndum samtökum og þeim sem hefðu skotið á Damaskus. Fyrri vopnahlé hafa sjaldan borið mikinn árangur, að því er kemur fram í umfjöllun Reuters. Viðræður Rússa við önnur ríki sem eiga sæti í ráðinu voru ástæða frestunarinnar. Sagði Mansour Ayyad al-Otaibi, sendiherra Kúveits, við Reuters í gær að unnið væri enn að nokkrum greinum. Kröfu Rússa er hægt að túlka þannig að þeir vilji að tvær stærstu fylkingar uppreisnarmanna í Austur-Ghouta verði líka útilokaðar. Þær eru annars vegar Jaish al-Islam og andstæðingar þeirra í Faylaq al-Rahman. Síðarnefnda hreyfingin hefur áður barist við hlið öfgasamtakanna Hayat Tahrir al-Sham sem er undir forystu al-Nusra. „Við höfum ekki fengið það tryggt að uppreisnarmenn haldi ekki áfram að skjóta á íbúabyggðir í Damaskus,“ sagði Lavrov í yfirlýsingu um viðræðurnar í gær. Sagði hann að Rússar væru tilbúnir að samþykkja drögin en ekki í óbreyttri mynd. „Til þess að ályktunin beri árangur leggjum við til breytingar sem myndu tryggja raunverulegt vopnahlé. Tillögur okkar krefjast ákveðinna trygginga frá þeim sem eru innan Austur-Ghouta jafnt sem utan,“ sagði Lavrov. Vesturveldunum í öryggisráðinu þótti lítið til um málflutning Rússa. Ef marka má frétt BBC grunar vesturveldin að Rússar hafi einfaldlega verið að reyna að tefja ferlið svo stjórnarherinn gæti unnið fullnaðarsigur og tekið Austur-Ghouta af uppreisnarmönnum. Kölluðu Bandaríkin, Bretland og Frakkland eftir því að ályktunin yrði samþykkt tafarlaust. Birtist í Fréttablaðinu Kúveit Sýrland Mest lesið „Þetta er bara klúður“ Innlent Ætla að hlífa trjám þegar golfbrautir verða mótaðar á skógræktarsvæði Innlent Trump útilokar ekki samdrátt í kjölfar efnahagsaðgerða sinna Erlent Quang Le sagður hafa tekið kauptilboði í Herkastalann Innlent Seðlabankastjórinn Carney verður forsætisráðherra Kanada Erlent Fær að skila eftirlíkingunni til Páls í Pólaris Innlent Þörf á þolinmæði fyrir meðferð með hugvíkkandi efnum Innlent Óákveðið hvort Sunnutorg verði óbreytt eftir framkvæmdir Innlent Utanríkisráðherra Bandaríkjanna segir Póllandi að segja takk Erlent Þrjú banaslys á fjórum dögum Innlent Fleiri fréttir Slökktu á rafmagninu á Gasa Segir Bandaríkjaforseta sýna Grænlendingum lítilsvirðingu Trump útilokar ekki samdrátt í kjölfar efnahagsaðgerða sinna 6,5 stiga skjálfti við Jan Mayen Seðlabankastjórinn Carney verður forsætisráðherra Kanada Utanríkisráðherra Bandaríkjanna segir Póllandi að segja takk Notuðu óvirka gaslögn til að koma aftan að Úkraínumönnum Opnar sig um rútínuna í fangelsinu Skutu vopnaðan mann við Hvíta húsið Fleiri hundruð óbreyttra borgara drepnir Fyrsti í fimmtán ár til að vera aflífaður með aftökusveit Forseti Suður-Kóreu leystur úr haldi Trump dregur úr völdum Musk eftir hitafund Tólf særðir eftir skotárás á knæpu í Toronto Mótmælandi staðið á syllu á Big Ben frá því í morgun Tveir unglingar handteknir í Glasgow grunaðir um morð Ellefu drepnir í loftárásum Rússa í Austur-Úkraínu Bandarísk stofnun hyggst rannsaka tengsl milli bóluefna og einhverfu Betsy Arakawa lést viku á undan Gene Hackman Ferðuðust um Evrópu og njósnuðu fyrir Rússa Ætla að senda alla pólska menn í herþjálfun Mannskæð átök í Sýrlandi Annað Starship sprakk í loft upp Átján særðir eftir mikið sprengjuregn Opna þungunarrofsmiðstöð þrátt fyrir bann í lögum Röskun á Gare du Nord vegna sprengju úr seinna stríði Sjúklingar með langvarandi Covid endurheimta lyktarskynið Samþykkja verulega aukin útgjöld til varnarmála Selenskí á fund Bandaríkjamanna í Sádi-Arabíu Mögulega hafi „eins konar ástarsorg“ spilað inn í Sjá meira
„Ég er að bíða eftir að sonur minn deyi. Þá verður hann allavega laus við sársaukann. Ég var bara að reyna að baka brauð fyrir hann þegar þakið á húsinu okkar hrundi. Hann er að fara beint til himna. Það er að minnsta kosti matur á himnum.“ Þetta sagði móðir sjúklings í myndbandi sem BBC birti í gær en miðillinn fylgdist með störfum læknisins Amani Balour í Austur-Ghouta í Sýrlandi. Árásir bandamanna Bashars al-Assad, forseta Sýrlands, á Austur-Ghouta héldu áfram í gær og hafa nú að minnsta kosti 462 farist eftir að Assad-liðar settu aukinn þunga í sókn sína á sunnudaginn. Stór hluti hinna látnu var á barnsaldri. Svæðið er síðasta stóra vígi uppreisnarmanna nærri höfuðborginni Damaskus og er umkringt yfirráðasvæðum stjórnarliða. Eru því um 400.000 almennir borgarar innlyksa í Austur-Ghouta þar sem hjálparsamtök segja að matur, vatn, lyf og aðrar nauðsynjavörur séu á þrotum. Á annan tug sjúkrahúsa hafa orðið fyrir sprengjum svo illa gengur að koma særðum undir læknishendur. Samtökin Læknar án landamæra sögðu í yfirlýsingu í gær að árásir stjórnarliða kæmu í veg fyrir að samtökin gætu aðstoðað íbúa. Blóðbankinn væri tómur, sýklalyf og deyfilyf ekki til. Til stóð að öryggisráð Sameinuðu þjóðanna gengi til atkvæðagreiðslu í gær um ályktun um vopnahlé í Sýrlandi en henni var frestað til dagsins í dag að því er Al Jazeera greinir frá. Í drögunum, sem Kúveit og Svíþjóð lögðu fram, er kveðið á um þrjátíu daga vopnahlé í öllu Sýrlandi sem myndi hefjast þremur sólarhringum eftir samþykkt ályktunarinnar. Tveimur sólarhringum eftir það myndu hjálparsamtök flytja nauðsynjar til íbúa og flytja særða á brott. Enn fremur segir í drögunum að 5,6 milljónir Sýrlendinga þurfi aðstoð. Einnig er kveðið á um að vopnahléið nái ekki til hryðjuverkasamtakanna sem kenna sig við íslamskt ríki og al-Nusra, fyrrverandi bandamanna al-Kaída. Rússar, sem hafa neitunarvald í öryggisráðinu, vilja ganga lengra og sagði Sergei Lavrov, utanríkisráðherra Rússlands, að útiloka þyrfti samtök sem ynnu með þeim fyrrnefndum samtökum og þeim sem hefðu skotið á Damaskus. Fyrri vopnahlé hafa sjaldan borið mikinn árangur, að því er kemur fram í umfjöllun Reuters. Viðræður Rússa við önnur ríki sem eiga sæti í ráðinu voru ástæða frestunarinnar. Sagði Mansour Ayyad al-Otaibi, sendiherra Kúveits, við Reuters í gær að unnið væri enn að nokkrum greinum. Kröfu Rússa er hægt að túlka þannig að þeir vilji að tvær stærstu fylkingar uppreisnarmanna í Austur-Ghouta verði líka útilokaðar. Þær eru annars vegar Jaish al-Islam og andstæðingar þeirra í Faylaq al-Rahman. Síðarnefnda hreyfingin hefur áður barist við hlið öfgasamtakanna Hayat Tahrir al-Sham sem er undir forystu al-Nusra. „Við höfum ekki fengið það tryggt að uppreisnarmenn haldi ekki áfram að skjóta á íbúabyggðir í Damaskus,“ sagði Lavrov í yfirlýsingu um viðræðurnar í gær. Sagði hann að Rússar væru tilbúnir að samþykkja drögin en ekki í óbreyttri mynd. „Til þess að ályktunin beri árangur leggjum við til breytingar sem myndu tryggja raunverulegt vopnahlé. Tillögur okkar krefjast ákveðinna trygginga frá þeim sem eru innan Austur-Ghouta jafnt sem utan,“ sagði Lavrov. Vesturveldunum í öryggisráðinu þótti lítið til um málflutning Rússa. Ef marka má frétt BBC grunar vesturveldin að Rússar hafi einfaldlega verið að reyna að tefja ferlið svo stjórnarherinn gæti unnið fullnaðarsigur og tekið Austur-Ghouta af uppreisnarmönnum. Kölluðu Bandaríkin, Bretland og Frakkland eftir því að ályktunin yrði samþykkt tafarlaust.
Birtist í Fréttablaðinu Kúveit Sýrland Mest lesið „Þetta er bara klúður“ Innlent Ætla að hlífa trjám þegar golfbrautir verða mótaðar á skógræktarsvæði Innlent Trump útilokar ekki samdrátt í kjölfar efnahagsaðgerða sinna Erlent Quang Le sagður hafa tekið kauptilboði í Herkastalann Innlent Seðlabankastjórinn Carney verður forsætisráðherra Kanada Erlent Fær að skila eftirlíkingunni til Páls í Pólaris Innlent Þörf á þolinmæði fyrir meðferð með hugvíkkandi efnum Innlent Óákveðið hvort Sunnutorg verði óbreytt eftir framkvæmdir Innlent Utanríkisráðherra Bandaríkjanna segir Póllandi að segja takk Erlent Þrjú banaslys á fjórum dögum Innlent Fleiri fréttir Slökktu á rafmagninu á Gasa Segir Bandaríkjaforseta sýna Grænlendingum lítilsvirðingu Trump útilokar ekki samdrátt í kjölfar efnahagsaðgerða sinna 6,5 stiga skjálfti við Jan Mayen Seðlabankastjórinn Carney verður forsætisráðherra Kanada Utanríkisráðherra Bandaríkjanna segir Póllandi að segja takk Notuðu óvirka gaslögn til að koma aftan að Úkraínumönnum Opnar sig um rútínuna í fangelsinu Skutu vopnaðan mann við Hvíta húsið Fleiri hundruð óbreyttra borgara drepnir Fyrsti í fimmtán ár til að vera aflífaður með aftökusveit Forseti Suður-Kóreu leystur úr haldi Trump dregur úr völdum Musk eftir hitafund Tólf særðir eftir skotárás á knæpu í Toronto Mótmælandi staðið á syllu á Big Ben frá því í morgun Tveir unglingar handteknir í Glasgow grunaðir um morð Ellefu drepnir í loftárásum Rússa í Austur-Úkraínu Bandarísk stofnun hyggst rannsaka tengsl milli bóluefna og einhverfu Betsy Arakawa lést viku á undan Gene Hackman Ferðuðust um Evrópu og njósnuðu fyrir Rússa Ætla að senda alla pólska menn í herþjálfun Mannskæð átök í Sýrlandi Annað Starship sprakk í loft upp Átján særðir eftir mikið sprengjuregn Opna þungunarrofsmiðstöð þrátt fyrir bann í lögum Röskun á Gare du Nord vegna sprengju úr seinna stríði Sjúklingar með langvarandi Covid endurheimta lyktarskynið Samþykkja verulega aukin útgjöld til varnarmála Selenskí á fund Bandaríkjamanna í Sádi-Arabíu Mögulega hafi „eins konar ástarsorg“ spilað inn í Sjá meira