Þetta einstaka vinasamband fékk Zahm til að negla áheyrnarprufuna

Hin 19 ára Maddie Zahm mætti áheyrnarprufu í American Idol á dögunum og flutti hún lagið New Rules með Dua Lipa.

Í menntaskóla þyngdist hún um fimmtíu kíló og flaug sjálfstraust hennar út um gluggann eins og hún orðaði það sjálf í viðtali fyrir prufana.

Þar segist hún hafa verið greind með hormónagalla sem hafði það í för með sér að hún þyngdist mikið á stuttum tíma.

„Ég tapaði meira segja tónlistinni um tíma, því ég hafði ekki sjálfstraust til að koma fram og skammaðist mín mjög fyrir það hvernig ég leit út,“ segir Zahm.

Ungur drengur að nafni Marcus gerði gríðarlega mikið fyrir þessa nítján ára söngkonu. Marcus er með Downs heilkenni og hittast þau saman í hverri viku.

„Hann hefur verið mér mikilvægur og hann sér mig alveg eins og ég vill að annað fólk sjái mig. Það að koma honum út úr húsi og þrýsta á hann að vera félagslega sterkur, hefur haft þau áhrif á mig að ég geti gert slíkt hið sama.“

Marcus og Maddie hafa verið bestu vinir í sex ár en hér að neðan má sjá hvernig til tókst hjá Maddie Zahm.