Strangar öryggisreglur á leik Íslands og Mexíkó

Ísland mætir Mexíkó í vináttulandsleik í San Francisco á föstudagskvöldið en gestgjafarnir eru NFL-lið San Francisco 49ers.

Leikurinn fer fram á Levi’s leikvanginum í Santa Clara en völlurinn er frekar nýr og tekur meira en 68 þúsund manns.

Það verða mjög strangar öryggisreglur á Íslandsleiknum og áhorfendur mega sem dæmi ekki koma með bakpokana sína inn á völlinn.

Pokarnir sem fólk má koma með verða annaðhvort að vera lítil veski sem rúmast í hendi eða litlir glærir pokar.

Parking details, bag policy and need to know info ahead of Friday night's game can be found here! https://t.co/MrKD34cTnTpic.twitter.com/5NNoOKD4Lc

— Levi's® Stadium (@LevisStadium) March 20, 2018

Það má heldur ekki komið með vatnsflöskur eða hitabrúsa inn á leikvanginn á þessum leik. Það er ljóst að menn ætla ekki að taka neina áhættu á því að áhorfendur reyni að smygla einhverju inn á leikinn.

Leikurinn hefur verið auglýstur vel með Mexíkóbúa í Kaliforníu og það er búist við því að þeir mæti vel á leikinn og verði þar miklu miklu fleiri en Íslendingar. Vonandi verða þó nokkri stuðningsmenn íslenska landsliðsins á svæðinu.

Forráðamenn Levi’s leikvangsins sendu frá sér fréttatilkynningu um öryggisreglurnar sem má finna hér.