Aðgerðin gekk vel hjá Gunnari sem ætlar að berjast á þessu ári

Gunnar Nelson gekkst í dag undir aðgerð á hné vegna meiðsla sem hann varð fyrir á dögunum. Aðgerðin gekk vel að sögn Gunnars.

Meiðslin urðu til þess að aflýsa þurfti að bardaga Gunnars gegn Neil Magny sem átti að fara fram í Liverpool í lok maí.

Gunnar segir að aðgerðin hafi gengið vel en hann reiknar með að vera frá í átta vikur. Leiðin liggur svo beint í æfingarsalinn segir Gunnar á Instagram síðu sinni.

Einnig segir hann að hann vilji berjast á þessu ári og muni leita af bardaga þegar hann verði klár í slaginn og geti barist á ný.

Surgery went well, 8 weeks of recovery and then straight to the gym again... looking at a fight this year for sure.

A post shared by Gunnar Nelson (@gunninelson) on Apr 30, 2018 at 11:10am PDT