Sigmundur Ernir mátti segja fréttir af Guðmundi Spartakusi

Hæstiréttur hefur kveðið upp dóm í máli Guðmundar Spartakusar á hendur Sigmundi Erni Rúnarssyni, fréttastjóra Hringbrautar.

Guðmundur Spartakus stefndi Sigmund Erni fyrir meiðyrði vegna frétta sem birtust á vef sjónvarpsstöðvarinnar. Fréttaflutningurinn var í öllum meginatriðum endursögn á fréttum sem áður höfðu verið sagðar, ýmist í erlendum miðlum sem og á RÚV. RÚV samdi sig frá sambærilegri kæru Guðmundar Spartakusar eins og fram hefur komið.

Sigmundur Ernir var sýknaður í héraði en Vilhjámur H. Vilhjálmsson áfrýjaði þeim dómi fyrir hönd Guðmundar Spartakusar. Hæstiréttur felldi dóm sinn nú fyrir stundu og er hann á þá leið að niðurstaða héraðs standi óröskuð. Guðmundi Spartakusi var gert að greiða Sigmundi Erni 700 þúsund krónur í málskostnað.