Varalestrargrín úr konunglega brúðkaupinu slær í gegn

Harry Bretaprins og bandaríska leikkonan Meghan Markle gengu í hjónaband á laugardaginn.

600 gestir voru í kapellunni þegar þau Meghan og Harry voru gefin saman og er talið að mörg hundruð milljónir hafi fylgst með brúðkaupinu í beinni sjónvarpsútsendingu.

Þar var fylgst vel með hverju andartaki en eitt vinsælasta myndbandið á YouTube í heiminum í dag kemur frá síðunni Bad Lip Reading.

Þar er búið að talsetja setningar frá brúðhjónunum, gestum í salnum, prestunum og fleiri. Reyndar er búið að setja þetta saman með vægast sagt óhefðbundnum og fyndum hætti þar sem talað er fyrir fólkið á léttu nótunum.

Þegar þessi frétt er skrifuð hefur verið horft fimm milljón sinnum á myndbandið sem sjá má hér að neðan.