Fjöldauppsagnir á opinberum starfsmönnum í Tyrklandi

Um átján þúsund opinberir starfsmenn, þar af um helmingur lögreglumenn, voru reknir í dag með opinberri tilskipun í Tyrklandi. Alls hafa um 160.000 opinberir starfsmenn verið leystir frá störfum frá valdaránstilraun árið 2016.

Recep Erdogan á að sverja embættiseið á morgun en hann hafði sigur í kosningum til valdameira embættis forseta í síðasta mánuði. Til stendur að fella neyðarlög sem verið hafa í gildi frá valdaránstilrauninni úr gildi í þessum mánuði, að sögn Reuters-fréttastofunnar.

Leiðtogar vestrænna ríkja hafa gagnrýnd uppsagnir opinberra starfsmanna í Tyrklandi. Ásakanir eru um að Erdogan forseti hafi notað valdaránstilraunina sem átyllu til þess að losa sig við andófsmenn.

Af þeim opinberu starfsmönnum sem sagt hefur verið upp síðustu tvö árin hafa um 50.000 verið ákærðir og haldið í fangelsi.