Helgi nýr forstöðumaður hjá Advania

Helgi Björgvinsson hefur verið ráðinn nýr forstöðumaður yfir sölu á hugbúnaðalausnum hjá Advania.

Helgi fer fyrir sölu á sérsniðnum hugbúnaðarlausnum Advania auk lausnum frá lykilbirgjum fyrirtækisins svo sem Salesforce, Software AG, Oracle og Outsystems, að því er fram kemur í tilkynningu frá Advania.

„Helgi er með 20 ára víðtæka reynslu úr upplýsingatæknigeiranum. Hann hefur starfað sem viðskiptastjóri og við sölu og ráðgjöf hjá Origo frá árinu 2007. Þar á undan var hann kerfisstjóri og forstöðumaður yfir upplýsingatækni hjá Air Atlanta,“ segir í tilkynningunni.