Skúli: Mesti vöxturinn verður í flugi frá Indlandi og Asíu Þorbjörn Þórðarson skrifar 17. október 2018 17:30 Skúli Mogensen stofnandi og forstjóri Wow Air. Vísir/Anton Brink Wow Air hefur ákveðið að hætta að fljúga til þriggja áfangastaða í miðvesturríkjum Bandaríkjanna. Skúli Mogensen segir að Wow Air sé að leita að áfangastöðum með betri sætanýtingu allan ársins hring. Hann segist reikna með að mesti vöxturinn hjá félaginu á næstu árum verði í flugi frá Indlandi og Asíu. Íslensk ferðaþjónusta á mikið undir velgengni Wow Air í ljósi þess hversu stóra markaðshlutdeild félagið er með í flugi til landsins. Wow Air var með 32 prósent allra seldra flugsæta til Keflavíkurflugvallar á síðasta ári og 36 prósent af seldum flugsætum fyrstu níu mánuði þessa árs. Wow Air lauk nýlega vel heppnuðu skuldabréfaútboði. Félagið hefur flogið til þrettán áfangastaða í Bandaríkjunum en tilkynnti í dag að áætlunarflugi til St. Louis, Cleveland og Cincinnati hefði verið hætt. Áður hafði Wow Air hætt flugi til Miami og San Francisco en flug til San Francisco hefst að nýju næsta sumar. „Við höfum heilt yfir náð níutíu prósent nýtingu að meðaltali í gegnum allt okkar leiðakerfi. Heilt yfir stóðu þessar borgir sig ágætlega í sumar en við erum að leita að stöðum sem við getum keyrt allt árið um kring og þar teljum við okkur eiga betri staði inni,“ segir Skúli í samtali við fréttastofu Stöðvar 2 og Vísis. Stjórnendur flugvallarins í St. Louis voru fremur óhressir með ákvörðun Wow Air því félagið var eina flugfélagið sem flaug í beinu flugi þaðan til Evrópu.Rekstrarfélag flugvallarins bauð Wow Air styrki til að halda fluginu áfram en þetta hefur samt ekki verið arðbært? „Nei, ég held að staðir verði að geta staðið á eigin fótum og ekki hægt að treysta á opinbera styrki. Við erum að tilkynna fleiri nýja áfangastaði. Það mun einn nýr áfangastaður í Norður-Ameríku líta dagsins ljós strax í næstu viku og við tilkynntum nýlega Orlando. Annað sem hefur áhrif er að núna erum við að hefja flug til Delí og farþegar þaðan eru aðallega að fljúga áfram til Norður-Ameríku og vilja helst fara á stærri staði en áfangastaði í miðvesturríkjunum. Það hefur áhrif á þessa ákvörðun og þetta er bara heilbrigð endurskoðun á því hvernig við getum best nýtt okkar flugvélar.“ Eins og áður segir þurfti Wow Air að hætta flugi til San Francisco í vetur. Ástæðan er sú að afhendingu seinkaði á nýjum Airbus A330 vélum sem félagið ætlaði að nota í flugið til Nýju-Delí og því þurfti að nýta vél sem flaug til San Francisco í Indlandsflugið í vetur. Skúli segist ennþá skynja mikinn áhuga á Íslandi og segist telja að þessi áhugi sé ekki bundinn við ákveðna markaði eða svæði. „Ég tel að það sé ennþá mikill áhugi á Íslandi. Ekki bara í Bandaríkjunum heldur alls staðar í heiminum. Ég held reyndar að mesti vöxturinn hjá okkur á næstu árum verði í flugi frá Indlandi og Asíu. Það mun svo aftur hafa í för með sér að við þurfum að fjölga áfangastöðum í Norður-Ameríku því megnið af þessum farþegum sem koma frá Indlandi gegnum Ísland halda áfram til Norður-Ameríku. Það mun hafa áhrif á samsetningu leiðakerfis okkar þegar fram líða stundir,“ segir Skúli.Airbus flugvélar Wow Air á Keflavíkurflugvelli. Skúli Mogensen reiknar með að mesti vöxturinn hjá Wow Air á næstu árum verði í flugi frá Indlandi og Asíu. Vísir/VilhelmÓskynsamlegt að festa olíuverðið að svo stöddu Hækkanir á olíuverði hafa leikið Wow Air grátt eins og öll önnur flugfélög en hráolíuverð hefur hækkað um 40 prósent á undanförnum 18 mánuðum. Þessar hækkanir hafa ekki skilað sér út í verð á farseðlum en gríðarlega hörð verðsamkeppni er í flugi yfir Atlantshafið. Skúli tók þá áhættu að verja félagið ekki fyrir hækkunum á olíuverði með gerð samninga um fast verð á eldsneyti fram í tímann. „Sú stefna að festa ekki olíuverðið nýttist okkur mjög vel fyrstu árin en klárlega síðustu átján mánuði eða svo hefði verið skynsamlegra að festa olíuna. Ég held hins vegar að hún hafi hækkað það mikið undanfarið að það sé ólíklegt að hún hækki mikið meira. En við munum klárlega fylgjast mjög grannt með því að ef hún lækkar eitthvað að ráði aftur þá verður þessi ákvörðun endurskoðuð,“ segir Skúli. Fréttir af flugi WOW Air Mest lesið Segir stjórnendur ætla að skilja skuldirnar eftir á Íslandi Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Kaupfélagið á bak við risaviðskipti í Iceland Seafood Viðskipti innlent „Það verður andskoti flókið“ Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf „Við munum gæta réttar kröfuhafa í hvívetna“ Viðskipti innlent Múlakaffi nýtir farþegamiðstöðina yfir veturinn Viðskipti innlent Hætti korteri eftir peppfund með Möltufólkinu Viðskipti innlent Rúmlega þriðjungs samdráttur í olíuvinnslu í Rússlandi Viðskipti erlent Stefna á að hefja starfsemi á Möltu innan tíu vikna Viðskipti innlent Fleiri fréttir Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Sjá meira
Wow Air hefur ákveðið að hætta að fljúga til þriggja áfangastaða í miðvesturríkjum Bandaríkjanna. Skúli Mogensen segir að Wow Air sé að leita að áfangastöðum með betri sætanýtingu allan ársins hring. Hann segist reikna með að mesti vöxturinn hjá félaginu á næstu árum verði í flugi frá Indlandi og Asíu. Íslensk ferðaþjónusta á mikið undir velgengni Wow Air í ljósi þess hversu stóra markaðshlutdeild félagið er með í flugi til landsins. Wow Air var með 32 prósent allra seldra flugsæta til Keflavíkurflugvallar á síðasta ári og 36 prósent af seldum flugsætum fyrstu níu mánuði þessa árs. Wow Air lauk nýlega vel heppnuðu skuldabréfaútboði. Félagið hefur flogið til þrettán áfangastaða í Bandaríkjunum en tilkynnti í dag að áætlunarflugi til St. Louis, Cleveland og Cincinnati hefði verið hætt. Áður hafði Wow Air hætt flugi til Miami og San Francisco en flug til San Francisco hefst að nýju næsta sumar. „Við höfum heilt yfir náð níutíu prósent nýtingu að meðaltali í gegnum allt okkar leiðakerfi. Heilt yfir stóðu þessar borgir sig ágætlega í sumar en við erum að leita að stöðum sem við getum keyrt allt árið um kring og þar teljum við okkur eiga betri staði inni,“ segir Skúli í samtali við fréttastofu Stöðvar 2 og Vísis. Stjórnendur flugvallarins í St. Louis voru fremur óhressir með ákvörðun Wow Air því félagið var eina flugfélagið sem flaug í beinu flugi þaðan til Evrópu.Rekstrarfélag flugvallarins bauð Wow Air styrki til að halda fluginu áfram en þetta hefur samt ekki verið arðbært? „Nei, ég held að staðir verði að geta staðið á eigin fótum og ekki hægt að treysta á opinbera styrki. Við erum að tilkynna fleiri nýja áfangastaði. Það mun einn nýr áfangastaður í Norður-Ameríku líta dagsins ljós strax í næstu viku og við tilkynntum nýlega Orlando. Annað sem hefur áhrif er að núna erum við að hefja flug til Delí og farþegar þaðan eru aðallega að fljúga áfram til Norður-Ameríku og vilja helst fara á stærri staði en áfangastaði í miðvesturríkjunum. Það hefur áhrif á þessa ákvörðun og þetta er bara heilbrigð endurskoðun á því hvernig við getum best nýtt okkar flugvélar.“ Eins og áður segir þurfti Wow Air að hætta flugi til San Francisco í vetur. Ástæðan er sú að afhendingu seinkaði á nýjum Airbus A330 vélum sem félagið ætlaði að nota í flugið til Nýju-Delí og því þurfti að nýta vél sem flaug til San Francisco í Indlandsflugið í vetur. Skúli segist ennþá skynja mikinn áhuga á Íslandi og segist telja að þessi áhugi sé ekki bundinn við ákveðna markaði eða svæði. „Ég tel að það sé ennþá mikill áhugi á Íslandi. Ekki bara í Bandaríkjunum heldur alls staðar í heiminum. Ég held reyndar að mesti vöxturinn hjá okkur á næstu árum verði í flugi frá Indlandi og Asíu. Það mun svo aftur hafa í för með sér að við þurfum að fjölga áfangastöðum í Norður-Ameríku því megnið af þessum farþegum sem koma frá Indlandi gegnum Ísland halda áfram til Norður-Ameríku. Það mun hafa áhrif á samsetningu leiðakerfis okkar þegar fram líða stundir,“ segir Skúli.Airbus flugvélar Wow Air á Keflavíkurflugvelli. Skúli Mogensen reiknar með að mesti vöxturinn hjá Wow Air á næstu árum verði í flugi frá Indlandi og Asíu. Vísir/VilhelmÓskynsamlegt að festa olíuverðið að svo stöddu Hækkanir á olíuverði hafa leikið Wow Air grátt eins og öll önnur flugfélög en hráolíuverð hefur hækkað um 40 prósent á undanförnum 18 mánuðum. Þessar hækkanir hafa ekki skilað sér út í verð á farseðlum en gríðarlega hörð verðsamkeppni er í flugi yfir Atlantshafið. Skúli tók þá áhættu að verja félagið ekki fyrir hækkunum á olíuverði með gerð samninga um fast verð á eldsneyti fram í tímann. „Sú stefna að festa ekki olíuverðið nýttist okkur mjög vel fyrstu árin en klárlega síðustu átján mánuði eða svo hefði verið skynsamlegra að festa olíuna. Ég held hins vegar að hún hafi hækkað það mikið undanfarið að það sé ólíklegt að hún hækki mikið meira. En við munum klárlega fylgjast mjög grannt með því að ef hún lækkar eitthvað að ráði aftur þá verður þessi ákvörðun endurskoðuð,“ segir Skúli.
Fréttir af flugi WOW Air Mest lesið Segir stjórnendur ætla að skilja skuldirnar eftir á Íslandi Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Kaupfélagið á bak við risaviðskipti í Iceland Seafood Viðskipti innlent „Það verður andskoti flókið“ Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf „Við munum gæta réttar kröfuhafa í hvívetna“ Viðskipti innlent Múlakaffi nýtir farþegamiðstöðina yfir veturinn Viðskipti innlent Hætti korteri eftir peppfund með Möltufólkinu Viðskipti innlent Rúmlega þriðjungs samdráttur í olíuvinnslu í Rússlandi Viðskipti erlent Stefna á að hefja starfsemi á Möltu innan tíu vikna Viðskipti innlent Fleiri fréttir Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Sjá meira