Higuain skúrkurinn gegn sínum gömlu félögum er Juventus vann risaslaginn

Juventus fór með sigur af hólmi gegn AC Milan í stórleik helgarinnar í ítölsku úrvalsdeildinni í kvöld, 1-0.



Ítölsku meistararnir byrjuðu af krafti og komust yfir strax á áttundu mínútu leiksins en markið skoraði Króatinn Mario Mandzukic.



AC Milan fékk gullið tækifæri til þess að jafna leikinn undir lok fyrri hálfleiks þegar þeir fengu vítaspyrnu.



Gonzalo Higuain steig á punktinn gegn sínum gömlu félögum en brást bogalistinn.



Cristiano Ronaldo innsiglaði svo sigur Juventus með marki á 81. mínútu en skömmu síðar fékk Higuain að líta á rauða spjaldið. Ekki góður dagur hjá Higuain gegn sínum gömlu félögum.



Juventus er komið með myndarlega forystu á toppi deildarinnar, en þeir eru með sex stiga forystu á Napoli sem er í 2. sæti.



Milan situr í fimmta sæti, með 21 stig.