Lægðinni fylgir norðanstormur eða -rok með snjókomu og blindhríð á norðanverðu landinu í dag en slyddu eða rigning með köflum syðra. Stormurinn hafi gengið sem fyrr segir inn á Vesturland í nótt en á Suðvesturlandi og Norðurlandi vestra í morgunsárið. Eftir hádegi mun stormurinn einnig láta að sér kveða fyrir austan en ætti að taka að lægja að vestan um svipað leyti.
Þeir sem hafa hug á því að skjóta upp flugeldum þurfa þó ekki að örvænta en eftir því sem kemur fram í hugleiðingum veðurfræðings ætti að vera komið ágætis áramótaveður þegar gamlárskvöld gengur í garð.
Þá mun fyrsti dagur ársins 2019 hefjast með rólegheitum, stillum og björtum himni en hörkufrosti, ekki síst í innsveitum. Þegar líða fer á daginn hvessir af suðaustri og hlýnar og fer að rigna sunnan- og vestanlands með kvöldinu. Dagana þar á eftir ríkja síðan mildar sunnanáttir með vætu, einkum sunnan og vestan til.
Veðurhorfur á landinu næstu daga
Á miðvikudag:Sunnan 8-15 m/s og rigning með köflum S- og V-lands, en annars þurrt. Hiti 3 til 8 stig.
Á fimmtudag:
Allhvöss sunnan en síðan suðvestanátt með talsverðri rigningu, en þurrt að kalla NA-til. Dregur úr vindi og úrkomu um kvöldið. Hlýtt í veðri.
Á föstudag og laugardag:
Mildar suðlægar áttir og rigning, en bjart með köflum NA-til. Á sunnudag: Útlit fyrir suðvestanátt með skúrum eða slydduéljum og kólnar í veðri.
