Risar í íslenskri ferðaþjónustu sameina krafta sína Kolbeinn Tumi Daðason skrifar 9. janúar 2019 14:58 Samkomulagið felur í sér að Arctic Adventures hf. kaupir alla hluti í Into the Glacier ehf. af Icelandic Tourism Fund (ITF) og Sigurði Skarphéðinssyni framkvæmdastjóra Into the Glacier. Arctic Adventures Arctic Adventures hf. og Icelandic Tourism Fund (ITF) hafa gert samkomulag um sameiningu Into the Glacier ehf. og Arctic Adventures. Sameinað félag mun starfa undir merkjum Arctic Adventures. ITF hefur einnig selt Arctic Adventures hluti í fjórum afþreyingarfyrirtækjum í ferðaþjónustu sem eru með starfsemi víðsvegar um landið. Um er að ræða hluti í Óbyggðasetrinu í Fljótsdal, Raufarhólshelli, Borea Adventures á Ísafirði og leiksýningunni „Icelandic Sagas - The greatest hits“ sem sýnd er í Hörpu. Frá þessu er greint í fréttatilkynningu til fjölmiðla í dag sem sjá má hér að neðan. Þar kemur fram að samanlögð velta fyrirtækjanna hafi verið sjö milljarðar á nýliðnu ári en starfsmenn eru samanlagt um 300. Samruninn er gerður með fyrirvara um samþykki Samkeppniseftirlitsins, niðurstöðu áreiðanleikakönnunar á fyrirtækjunum og í ákveðnum tilvikum samþykki annarra hluthafa í fyrirtækjunum. Samkomulagið felur í sér að Arctic Adventures hf. kaupir alla hluti í Into the Glacier ehf. af Icelandic Tourism Fund (ITF) og Sigurði Skarphéðinssyni framkvæmdastjóra Into the Glacier. Kaupverðið er greitt með hlutum í Arctic Adventures hf. sem þýðir að við sameininguna verða ITF og Sigurður Skarphéðinsson hluthafar í sameinuðu félagi. Viðskiptin byggja á mati fyrirtækjaráðgjafar Kviku á verðmæti fyrirtækjanna.Frekari upplýsingar úr tilkynningu vegna samrunans má sjá að neðan.Jón Þór Gunnarsson, forstjóri Arctic Adventures.300 þúsund viðskiptavinir í fyrra Jón Þór Gunnarsson forstjóri Arctic Adventures segir markmið félagsins vera að skapa öflugt og samkeppnishæft félag sem sé betur í stakk búið til að takast á við þá alþjóðlegu samkeppni sem íslensk ferðaþjónusta á í. „Afþreying fyrir ferðafólk er lykilþáttur í íslenskri ferðaþjónustu og eiga fyrirtækin í þessum geira í sívaxandi alþjóðlegri samkeppni. Með sameiningu við Into the Glacier og kaupum í fjórum öðrum fyrirtækjum getur Arctic Adventures nú boðið upp á þjónustu í beinu samstarfi við ferðþjónustuaðila í öllum landshlutum sem skiptir okkur miklu máli.“ Helgi Júlíusson framkvæmdastjóri ITF segir að þessi viðskipti nú séu í takt við markmið sjóðsins um að byggja upp öflug ferðaþjónustufyrirtæki á sviði afþreyingar sem boðið geta fjölbreytta þjónustu og styrkt Ísland sem ferðamannastað allt árið um kring. „Samþætting þeirra félaga sem í hlut eiga mun án efa styrkja samkeppnishæfni þeirra og skapa þeim sterkari stöðu á alþjóðlegum markaði.“ Arctic Adventures hf. starfar á sviði afþreyingar í ferðaþjónustu. Fyrirtækið hefur vaxið hratt síðustu ár og hefur rekstur þess gengið vel. Into the Glacier rekur íshelli í Langjökli sem var opnaður árið 2015 og hefur aðsóknin verið góð allt frá opnun og rekstur gengið vel. Samanlögð velta Arctic Adventures og Into the Glacier árið 2018 er tæplega 7 milljarðar króna og hjá þeim starfa um 300 manns. Viðskiptavinir Arctic Adventures voru 250.000 á árinu og 63.000 manns heimsóttu íshellinn. Nánari upplýsingar um félögin er að finna á www.adventures.is og www.intotheglacier.is. Iceland Tourism Fund (ITF) er framtakssjóður í rekstri Landsbréfa sem stofnaður var árið 2013 að frumkvæði Icelandair Group. Markmiðið með stofnun sjóðsins var að fjárfesta í uppbyggingu afþreyingartengdrar ferðaþjónustu á Íslandi og stuðla þannig að fjölbreyttari afþreyingarkostum fyrir ferðafólk á Íslandi og styrkja landið sem áfangastað. Sérstök áhersla hefur verið lögð á að fjárfesta í starfsemi sem rekin er allt árið og nýtir sem best þá innviði sem til staðar eru í greininni. Þá hefur verið lögð sérstök áhersla á að fjárfesta í verkefnum á landsbyggðinni.Kaupverð greitt með hlutum í Arctic Adventures Arctic Adventures hefur einnig gert samkomulag við ITF um kaup á hlutum sjóðsins í fjórum afþreyingarfyrirtækjum í ferðaþjónustu. Það eru Óbyggðasetrið ehf. sem rekur Óbyggðasetrið í Fljótsdal, Raufarhóll ehf. sem starfrækir ferðaþjónustu í Raufarhólshelli, Skútusiglingar ehf. á Ísafirði sem rekið er undir vörumerkinu Borea Adventures og Welcome Entertainment ehf. sem á og rekur leiksýninguna „Icelandic Sagas - The greatest hits“ sem sýnd er í Hörpu. Kaupverðið er sömuleiðis greitt með hlutum í Arctic Adventures. Félögin verða áfram rekin sjálfstætt en í nánu samstarfi við Arctic Adventures. Ofangreint er gert með fyrirvara um samþykki Samkeppniseftirlitsins, niðurstöðu áreiðanleikakönnunar á fyrirtækjunum og í ákveðnum tilvikum samþykki annarra hluthafa í fyrirtækjunum. Ferðamennska á Íslandi Samkeppnismál Mest lesið Á ég að greiða inn á lánið eða spara? Viðskipti innlent Samkomulagið það besta mögulega í erfiðum aðstæðum Viðskipti erlent Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Loksins, mathöllin og fleiri staðir fá nýja rekstraraðila Viðskipti innlent Fyrsta íslenska grænkera ostagerðin í hættu Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Við erum að bæta við atvinnustoð í samfélaginu“ Viðskipti innlent „Ekki mistök“ að brauð með engu kostaði tvö þúsund krónur Neytendur Rukkuð vegna þegar greiddra bílastæða og fá engin svör Neytendur Gáfust upp á Facebook og opna verslun fyrir notaðar íþróttavörur Viðskipti innlent Fleiri fréttir Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Sjá meira
Arctic Adventures hf. og Icelandic Tourism Fund (ITF) hafa gert samkomulag um sameiningu Into the Glacier ehf. og Arctic Adventures. Sameinað félag mun starfa undir merkjum Arctic Adventures. ITF hefur einnig selt Arctic Adventures hluti í fjórum afþreyingarfyrirtækjum í ferðaþjónustu sem eru með starfsemi víðsvegar um landið. Um er að ræða hluti í Óbyggðasetrinu í Fljótsdal, Raufarhólshelli, Borea Adventures á Ísafirði og leiksýningunni „Icelandic Sagas - The greatest hits“ sem sýnd er í Hörpu. Frá þessu er greint í fréttatilkynningu til fjölmiðla í dag sem sjá má hér að neðan. Þar kemur fram að samanlögð velta fyrirtækjanna hafi verið sjö milljarðar á nýliðnu ári en starfsmenn eru samanlagt um 300. Samruninn er gerður með fyrirvara um samþykki Samkeppniseftirlitsins, niðurstöðu áreiðanleikakönnunar á fyrirtækjunum og í ákveðnum tilvikum samþykki annarra hluthafa í fyrirtækjunum. Samkomulagið felur í sér að Arctic Adventures hf. kaupir alla hluti í Into the Glacier ehf. af Icelandic Tourism Fund (ITF) og Sigurði Skarphéðinssyni framkvæmdastjóra Into the Glacier. Kaupverðið er greitt með hlutum í Arctic Adventures hf. sem þýðir að við sameininguna verða ITF og Sigurður Skarphéðinsson hluthafar í sameinuðu félagi. Viðskiptin byggja á mati fyrirtækjaráðgjafar Kviku á verðmæti fyrirtækjanna.Frekari upplýsingar úr tilkynningu vegna samrunans má sjá að neðan.Jón Þór Gunnarsson, forstjóri Arctic Adventures.300 þúsund viðskiptavinir í fyrra Jón Þór Gunnarsson forstjóri Arctic Adventures segir markmið félagsins vera að skapa öflugt og samkeppnishæft félag sem sé betur í stakk búið til að takast á við þá alþjóðlegu samkeppni sem íslensk ferðaþjónusta á í. „Afþreying fyrir ferðafólk er lykilþáttur í íslenskri ferðaþjónustu og eiga fyrirtækin í þessum geira í sívaxandi alþjóðlegri samkeppni. Með sameiningu við Into the Glacier og kaupum í fjórum öðrum fyrirtækjum getur Arctic Adventures nú boðið upp á þjónustu í beinu samstarfi við ferðþjónustuaðila í öllum landshlutum sem skiptir okkur miklu máli.“ Helgi Júlíusson framkvæmdastjóri ITF segir að þessi viðskipti nú séu í takt við markmið sjóðsins um að byggja upp öflug ferðaþjónustufyrirtæki á sviði afþreyingar sem boðið geta fjölbreytta þjónustu og styrkt Ísland sem ferðamannastað allt árið um kring. „Samþætting þeirra félaga sem í hlut eiga mun án efa styrkja samkeppnishæfni þeirra og skapa þeim sterkari stöðu á alþjóðlegum markaði.“ Arctic Adventures hf. starfar á sviði afþreyingar í ferðaþjónustu. Fyrirtækið hefur vaxið hratt síðustu ár og hefur rekstur þess gengið vel. Into the Glacier rekur íshelli í Langjökli sem var opnaður árið 2015 og hefur aðsóknin verið góð allt frá opnun og rekstur gengið vel. Samanlögð velta Arctic Adventures og Into the Glacier árið 2018 er tæplega 7 milljarðar króna og hjá þeim starfa um 300 manns. Viðskiptavinir Arctic Adventures voru 250.000 á árinu og 63.000 manns heimsóttu íshellinn. Nánari upplýsingar um félögin er að finna á www.adventures.is og www.intotheglacier.is. Iceland Tourism Fund (ITF) er framtakssjóður í rekstri Landsbréfa sem stofnaður var árið 2013 að frumkvæði Icelandair Group. Markmiðið með stofnun sjóðsins var að fjárfesta í uppbyggingu afþreyingartengdrar ferðaþjónustu á Íslandi og stuðla þannig að fjölbreyttari afþreyingarkostum fyrir ferðafólk á Íslandi og styrkja landið sem áfangastað. Sérstök áhersla hefur verið lögð á að fjárfesta í starfsemi sem rekin er allt árið og nýtir sem best þá innviði sem til staðar eru í greininni. Þá hefur verið lögð sérstök áhersla á að fjárfesta í verkefnum á landsbyggðinni.Kaupverð greitt með hlutum í Arctic Adventures Arctic Adventures hefur einnig gert samkomulag við ITF um kaup á hlutum sjóðsins í fjórum afþreyingarfyrirtækjum í ferðaþjónustu. Það eru Óbyggðasetrið ehf. sem rekur Óbyggðasetrið í Fljótsdal, Raufarhóll ehf. sem starfrækir ferðaþjónustu í Raufarhólshelli, Skútusiglingar ehf. á Ísafirði sem rekið er undir vörumerkinu Borea Adventures og Welcome Entertainment ehf. sem á og rekur leiksýninguna „Icelandic Sagas - The greatest hits“ sem sýnd er í Hörpu. Kaupverðið er sömuleiðis greitt með hlutum í Arctic Adventures. Félögin verða áfram rekin sjálfstætt en í nánu samstarfi við Arctic Adventures. Ofangreint er gert með fyrirvara um samþykki Samkeppniseftirlitsins, niðurstöðu áreiðanleikakönnunar á fyrirtækjunum og í ákveðnum tilvikum samþykki annarra hluthafa í fyrirtækjunum.
Ferðamennska á Íslandi Samkeppnismál Mest lesið Á ég að greiða inn á lánið eða spara? Viðskipti innlent Samkomulagið það besta mögulega í erfiðum aðstæðum Viðskipti erlent Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Loksins, mathöllin og fleiri staðir fá nýja rekstraraðila Viðskipti innlent Fyrsta íslenska grænkera ostagerðin í hættu Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Við erum að bæta við atvinnustoð í samfélaginu“ Viðskipti innlent „Ekki mistök“ að brauð með engu kostaði tvö þúsund krónur Neytendur Rukkuð vegna þegar greiddra bílastæða og fá engin svör Neytendur Gáfust upp á Facebook og opna verslun fyrir notaðar íþróttavörur Viðskipti innlent Fleiri fréttir Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Sjá meira
Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun