Körfubolti

Sigurkarfa Galdrakarlanna fór aldrei ofan í körfuna

Óskar Ófeigur Jónsson skrifar
Bradley Beal og Chasson Randle fagna með Thomas Bryant sem tryggði liði Washington Wizards sigurinn.
Bradley Beal og Chasson Randle fagna með Thomas Bryant sem tryggði liði Washington Wizards sigurinn. Getty/Dan Istitene
Sigurkarfa Washington Wizards á móti New York Knicks var í meira lagi óvenjuleg, Los Angeles Lakers vann framlengdan leik á móti Oklahoma City Thunder og Philadelphia 76ers vann í sjöunda sinn í síðustu níu leikjum.





Bradley Beal skoraði 26 stig fyrir Washington Wizards í eins stigs sigri á New York Knicks í O2 Arena í London þar sem úrslitin réðust á óvenjulegri körfu 0,4 sekúndum fyrir leikslok.

Thomas Bryant fær sigurkörfuna skráða á sig en dómarar leiksins sögðu að Allonzo Trier hafi varið skotið hans á niðurleið og því var karfan gild.

Otto Porter Jr. var með 20 stig og 11 fráköst fyrir Wizards-liðið sem tryggði sér sigurinn með því að vionna fjórða leikhlutann 24-11.

Emmanuel Mudiay var stigahæstur hjá New York með 25 stig og Luke Kornet skoraði 16 stgi. Tyrkinn Enes Kanter kom ekki með liðinu til London af ótta um öryggi sitt vegna gagnrýni hans á Tayyip Erdogan, forseta Tyrklands.

Það voru fleiri sigurkörfur í NBA-deildinni í nótt en upp á venjulega mátann.









Pascal Siakam skoraði sigurkörfu Toronto Raptors rétt áður en leikurinn rann út í 111-109 sigri á Phoenix Suns. Siakam endaði leikinn með 10 stig og 12 fráköst en stigahæstur í Toronto-liðinu var Serge Ibaka með 22 stig.

Kyle Lowry skoraði 16 stig og tók 9 fráköst en þetta var áttundi heimasigur Toronto liðsins í röð og sá sjötti í sjö leikjum í öllum leikjum. Devin Booker skoraði 30 stig fyrir Phoenix og nýliðinn Deandre Ayton var með 15 stig og 17 fráköst.





Kyle Kuzma skoraði 32 stig fyrir Los Angeles Lakers sem vann 138-128 sigur á Oklahoma City Thunder í framlengdum leik og án stjörnuleikmanns síns LeBron James.

LeBron James missti af tólfta leiknum í röð vegna nárameiðsla en strákarnir hans unnu engu að síður góðan sigur á útivelli og hafa unnið 5 af þessum 12 leikjum síðan James meiddist. Lakers vann framlenginguna 16-6.





Ivica Zubac setti nýtt persónulegt met með því að skora 26 stig Lonzo Ball var með 18 stig, 8 fráköst og 10 stoðsendingar. Paul George skoraði 27 stig fyrir Thunder og Terrance Ferguson var með 21 stig.

Russell Westbrook var vissulega með 26 stig, 13 stoðsendingar og 9 fráköst en hann hitti aðeins úr 7 af 30 skotum sínum. OKC missti niður sautján stiga forskot og tapaði í fimmta sinn í síðustu sex leikjum.





Joel Embiid var með 22 stig, 13 fráköst og 8 stoðsendingar þegar Philadelphia 76ers vann 120-96 sigur á Indiana Pacers. Þetta var sjöundi sigur liðsins í síðustu níu leikjum. Jimmy Butler skoraði 27 stig, tók 5 fráköst og gaf 8 stoðsendingar.





Öll úrslitin í NBA deildinni í nótt:

Oklahoma City Thunder - Los Angeles Lakers    128-138 (122-122)    

Denver Nuggets - Chicago Bulls    135-105    

Toronto Raptors - Phoenix Suns    111-109    

Charlotte Hornets - Sacramento Kings    114-95    

Indiana Pacers - Philadelphia 76ers    96-120    

Washington Wizards - New York Knicks    101-100



NBA

Mest lesið


Fleiri fréttir

Sjá meira


×

Mest lesið