Nainggolan tryggði Inter sigur

Inter Milan vann eins marks sigur á Sampdoria í ítölsku Serie A deildinni í kvöld.

Radja Nainggolan skoraði sigurmark leiksins fyrir Inter.

Eftir markalausan fyrri hálfleik skoraði Danilo D'Ambrosio á 73. mínútu.

Tveimur mínútum seinna kom Manolo Gabbiadini inn á sem varamaður og hann hafði aðeins verið inni á vellinum í nokkur augnablik þegar hann jafnaði fyrir Sampdoria.

Nainggolan skoraði svo sigurmarkið á 78. mínútu.

Inter er í þriðja sæti ítölsku deildarinnar, tuttugu stigum á eftir toppliði Juventus.