Hafnar því að Seðlabankanum sé stillt upp við vegg og fagnar mínútunum fjörutíu og fimm Kolbeinn Tumi Daðason skrifar 4. apríl 2019 15:53 Ragnar Þór Ingólfsson brosti sínu breiðasta í gærkvöldi þegar samningar voru undirritaðir og svo kynntir í Ráðherrabústaðnum. Vísir/Vilhelm Ragnar Þór Ingólfsson, formaður VR, segir það af og frá að verið sé að stilla Seðlabanka Íslands upp við vegg þegar komi að forsendaákvæði nýs kjarasamnings vinnumarkaðs og atvinnurekenda. Ein forsendan er að stýrivextir lækki verulega. Herma heimildir Vísis að lækkunin þurfi að vera komin niður í 3,75% í september 2020. Það sé talan sem aðilar vinnumarkaðarins miði við. Um er að ræða hliðarsamning við kjarasamninginn, sem Kjarninn greindi fyrst frá, sem taka á til endurskoðunar í september 2020. Þá stendur til að miða við lækkun um 0,25 prósentustig til viðbótar svo lækkunin verði orðin eitt prósent og stýrivextirnir, sem nú eru 4,5%, verði 3,5%. Ragnar vill ekkert tjá sig um tölur en segir vissulega eitt af forsenduákvæðum kjarasamningsins að stýrivextirnir lækki verulega.Már Guðmundsson Seðlabankastjóri og kollegar hans í peningastefnunefnd geta áfram tekið sínar sjálfstæðu ákvarðanir, að sögn Ragnars Þórs.Vísir/VilhelmVaxtaákvörðun Seðlabankans sjálfstæð sem fyrr Gylfi Zoega, prófessor í hagfræði sem á sæti í peningastefnunefnd Seðlabankans, segir í viðtali við Bloomberg að það sé klikkuð hugmynd að stilla Seðlabankanum þannig upp við vegg og gera honum erfiðara fyrir að bregðast við verðbólgu. Ásgeir Jónsson hagfræðingur og Gylfi Magnússon, formaður bankaráðs Seðlabankans, tala á svipuðum nótum. Þá hefur Þorsteinn Víglundsson, þingmaður Viðreisnar, verið mjög gagnrýninn. „Það er alls ekki verið að stilla Seðlabankanum upp við vegg,“ segir Ragnar Þór. Bankinn sé sjálfstæð stofnun sem taki sínar ákvarðanir. „Ekki frekar en Seðlabankinn sé að stilla verkalýðsforystunni upp við vegg með því að tala fyrir hóflegum samningum og hóta vaxtahækkunum,“ segir Ragnar Þór. Verkalýðshreyfingin geti gert hvaða forsenduákvæði sem er í samningunum. Verðbólga og efndir stjórnvalda sé þar að finna og sömuleiðis kaupmáttur launa. Allt þetta og fleira geti orðið til þess að kjarasamningum verði sagt upp. „Við erum að gefa töluvert eftir fyrsta árið í krónutölum til að vera undri ákveðnum markmiðum sem Seðlabanki Íslands hefur gefið upp að þurfi að vera til staðar til að lækka vexti.“ Það sé sjálfstæð ákvörðun bankans líkt og aðila vinnumarkaðarins að segja upp samningum.Sólveig Anna Jónsdóttir, formaður Eflingar, virtist ekkert himinlifandi með samningana sem undriritaðir voru í gær. Framkvæmdastjóri Eflingar segir samninginn ásættanlegan.Vísir/VilhelmHrein stytting hjá VR Fram hefur komið að túlkun ASÍ og Eflingar á styttingu vinnuvikunnar er æði ólík. ASÍ talar um söguleg tíðindi á meðan Efling gerir lítið úr þeim. Viðar Þorsteinsson, framkvæmdastjóri Eflingar, segir ekkert í nýjum kjarasamningi sem tryggi styttingu vinnuvikunnar. Viðar segir að Ragnar Þór Ingólfsson, formaður VR, hafi fyrir hönd síns félags náð fram raunverulegri styttingu á vinnutíma síns starfsfólks. Það sama sé ekki upp á teningnum hjá almennu verkafólki. Ragnar segir í samtali við Vísi um nokkuð flókið atriði að ræða. Í grunninn þurfi breytingu á vinnuskipulagi til hjá aðildarfélögum Starfsgreinasambandsins á meðan um sé að ræða hreina styttingu vinnutímans hjá VR.Flosi Eiríksson, framkvæmdastjóri SGS, kynnti í gærkvöldi þann hluta nýundirritaðra kjarasamninga SGS og SA sem snúa að styttingu vinnuvikunnar. Ekki er um hreina styttingu að ræða líkt og í tilfelli félagsmanna VR.vísir/vilhelmUmtalsverður ávinningur fyrir félagsmenn VR Breytingin taki gildi um áramótin sem gefi liðsmönnum VR tíma og tækifæri til að fara í heilmikla kynningu á breytingunum hjá sínu fólki. Um er að ræða hreina styttingu vinnuvikunnar um 45 mínútur á viku, eða níu mínútur á dag. „Þetta er umtalsverður ávinningur fyrir okkar félagsmenn, bæði skrifstofu- og afgreiðslufólk,“ segir Ragnar Þór. Útfærslan geti verið ólík og þá sérstaklega ef starfsfólk kýs að vinnu kaffitímana líka. Þá geti það hætt á hádegi aðra hverja viku, unnið sér inn frídag eða annað. „Þetta er það sem okkar félagsmenn voru að kalla eftir.“ Kjaramál Seðlabankinn Verkföll 2019 Vinnumarkaður Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Greindi þátt almennings og fjölmiðla í máli „strokufangans“ Innlent Halla forseti blandar sér í götuljósaumræðuna Innlent Þúsundir syrgja í Tehran og Trump segir æðstaklerkinn ljúga Erlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Allt að sautján stiga hiti í dag Veður Málið rannsakað sem tilraun til manndráps Innlent Telja Múmínlundinn klárt brot á höfundarétti Innlent Steini frá Straumnesi látinn Innlent Fleiri fréttir Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Stærsti árgangur sögunnar fer í framhaldsskóla: „Það verður þétt setið í skólastofunni“ Flakk á fylginu og brunamótamatið vanáætlað Lögregla varar við „Nígeríubréfum“ og öðrum netglæpum Sjá meira
Ragnar Þór Ingólfsson, formaður VR, segir það af og frá að verið sé að stilla Seðlabanka Íslands upp við vegg þegar komi að forsendaákvæði nýs kjarasamnings vinnumarkaðs og atvinnurekenda. Ein forsendan er að stýrivextir lækki verulega. Herma heimildir Vísis að lækkunin þurfi að vera komin niður í 3,75% í september 2020. Það sé talan sem aðilar vinnumarkaðarins miði við. Um er að ræða hliðarsamning við kjarasamninginn, sem Kjarninn greindi fyrst frá, sem taka á til endurskoðunar í september 2020. Þá stendur til að miða við lækkun um 0,25 prósentustig til viðbótar svo lækkunin verði orðin eitt prósent og stýrivextirnir, sem nú eru 4,5%, verði 3,5%. Ragnar vill ekkert tjá sig um tölur en segir vissulega eitt af forsenduákvæðum kjarasamningsins að stýrivextirnir lækki verulega.Már Guðmundsson Seðlabankastjóri og kollegar hans í peningastefnunefnd geta áfram tekið sínar sjálfstæðu ákvarðanir, að sögn Ragnars Þórs.Vísir/VilhelmVaxtaákvörðun Seðlabankans sjálfstæð sem fyrr Gylfi Zoega, prófessor í hagfræði sem á sæti í peningastefnunefnd Seðlabankans, segir í viðtali við Bloomberg að það sé klikkuð hugmynd að stilla Seðlabankanum þannig upp við vegg og gera honum erfiðara fyrir að bregðast við verðbólgu. Ásgeir Jónsson hagfræðingur og Gylfi Magnússon, formaður bankaráðs Seðlabankans, tala á svipuðum nótum. Þá hefur Þorsteinn Víglundsson, þingmaður Viðreisnar, verið mjög gagnrýninn. „Það er alls ekki verið að stilla Seðlabankanum upp við vegg,“ segir Ragnar Þór. Bankinn sé sjálfstæð stofnun sem taki sínar ákvarðanir. „Ekki frekar en Seðlabankinn sé að stilla verkalýðsforystunni upp við vegg með því að tala fyrir hóflegum samningum og hóta vaxtahækkunum,“ segir Ragnar Þór. Verkalýðshreyfingin geti gert hvaða forsenduákvæði sem er í samningunum. Verðbólga og efndir stjórnvalda sé þar að finna og sömuleiðis kaupmáttur launa. Allt þetta og fleira geti orðið til þess að kjarasamningum verði sagt upp. „Við erum að gefa töluvert eftir fyrsta árið í krónutölum til að vera undri ákveðnum markmiðum sem Seðlabanki Íslands hefur gefið upp að þurfi að vera til staðar til að lækka vexti.“ Það sé sjálfstæð ákvörðun bankans líkt og aðila vinnumarkaðarins að segja upp samningum.Sólveig Anna Jónsdóttir, formaður Eflingar, virtist ekkert himinlifandi með samningana sem undriritaðir voru í gær. Framkvæmdastjóri Eflingar segir samninginn ásættanlegan.Vísir/VilhelmHrein stytting hjá VR Fram hefur komið að túlkun ASÍ og Eflingar á styttingu vinnuvikunnar er æði ólík. ASÍ talar um söguleg tíðindi á meðan Efling gerir lítið úr þeim. Viðar Þorsteinsson, framkvæmdastjóri Eflingar, segir ekkert í nýjum kjarasamningi sem tryggi styttingu vinnuvikunnar. Viðar segir að Ragnar Þór Ingólfsson, formaður VR, hafi fyrir hönd síns félags náð fram raunverulegri styttingu á vinnutíma síns starfsfólks. Það sama sé ekki upp á teningnum hjá almennu verkafólki. Ragnar segir í samtali við Vísi um nokkuð flókið atriði að ræða. Í grunninn þurfi breytingu á vinnuskipulagi til hjá aðildarfélögum Starfsgreinasambandsins á meðan um sé að ræða hreina styttingu vinnutímans hjá VR.Flosi Eiríksson, framkvæmdastjóri SGS, kynnti í gærkvöldi þann hluta nýundirritaðra kjarasamninga SGS og SA sem snúa að styttingu vinnuvikunnar. Ekki er um hreina styttingu að ræða líkt og í tilfelli félagsmanna VR.vísir/vilhelmUmtalsverður ávinningur fyrir félagsmenn VR Breytingin taki gildi um áramótin sem gefi liðsmönnum VR tíma og tækifæri til að fara í heilmikla kynningu á breytingunum hjá sínu fólki. Um er að ræða hreina styttingu vinnuvikunnar um 45 mínútur á viku, eða níu mínútur á dag. „Þetta er umtalsverður ávinningur fyrir okkar félagsmenn, bæði skrifstofu- og afgreiðslufólk,“ segir Ragnar Þór. Útfærslan geti verið ólík og þá sérstaklega ef starfsfólk kýs að vinnu kaffitímana líka. Þá geti það hætt á hádegi aðra hverja viku, unnið sér inn frídag eða annað. „Þetta er það sem okkar félagsmenn voru að kalla eftir.“
Kjaramál Seðlabankinn Verkföll 2019 Vinnumarkaður Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Greindi þátt almennings og fjölmiðla í máli „strokufangans“ Innlent Halla forseti blandar sér í götuljósaumræðuna Innlent Þúsundir syrgja í Tehran og Trump segir æðstaklerkinn ljúga Erlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Allt að sautján stiga hiti í dag Veður Málið rannsakað sem tilraun til manndráps Innlent Telja Múmínlundinn klárt brot á höfundarétti Innlent Steini frá Straumnesi látinn Innlent Fleiri fréttir Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Stærsti árgangur sögunnar fer í framhaldsskóla: „Það verður þétt setið í skólastofunni“ Flakk á fylginu og brunamótamatið vanáætlað Lögregla varar við „Nígeríubréfum“ og öðrum netglæpum Sjá meira