„Ekki trúa 3% af því sem er á samfélagsmiðlum“

Það var létt yfir Jurgen Klopp, stjóra Liverpool, eftir auðveldan 5-0 sigur á Huddersfield í kvöld. Hann hrósaði liðinu og sendi samfélagsmiðlunum tóninn

„Við erum ánægðir með stigin sem við erum með og núna erum við einbeittir á næsta leik. Við erum með hugarfar sem virkar og við reynum að búa til vandamál fyrir mótherjann með að leggja mikið á okkur.“

„Þetta er stórkostlegur leikmannahópur sem gerði vel gegn Huddersfield sem eru mun betri en taflan gefur til að kynna. Þeir áttu nokkrar fínar skyndisóknir svo við þurftum að vera þolinmóðir og skoruðum frábær mörk.“

Mikið hefur verið rætt og ritað um framtíð Mo Salah á dögunum og var hann sagður hafa lent í rifrildi við Klopp. Klopp sendi samfélagsmiðlunum tóninn í leikslok.

„Ekki trúa 3% af því sem er á samfélagsmiðlum. Ég lenti ekki í neinu rifrildi við Mo Salah eftir Chelsea-leikinn og Roberto Firmino er ekki frá út leiktíðina,“ sagði Klopp í leikslok.