Óskar Bjarni orðinn aðstoðarþjálfari landsliðsins og 22 manna hópur valinn

Axel Stefánsson hefur valið æfingahóp fyrir íslenska kvennalandsliðið í handbolta og fengið nýjan aðstoðarmann.

Axel Stefánsson, þjálfari A-landsliðs kvenna í handbolta, mun kalla á 22 leikmenn til æfinga vegna landsliðsverkefna í maí og júní.

Íslenska landsliðið kemur saman til æfinga á Íslandi 20.maí næstkomandi og mun liðið æfa saman hér á landi til 27. maí. Þá heldur liðið til Noregs þar sem stelpurnar okkar leika við B-lið Noregs þann 28. maí.  

Liðið heldur til Spánar eftir leikinn í Noregi en stelpurnar okkar leika við Spánverja þar ytra 31. maí í fyrri leik í umspils um sæti á HM í desember. Síðari leikurinn við Spánverja fer fram fimmtudaginn 6.júní í Laugardagshöll.

Elías Már Halldórsson, sem verið hefur aðstoðarmaður Axels Stefánssonar, hefur óskað eftir því að láta af störfum sínum sem aðstoðarlandsliðsþjálfari vegna anna og aukinna verkefna í nýju starfi hans hjá Handknattleiksdeild HK.

Óskar Bjarni Óskarsson mun taki við starfi hans tímabundið og aðstoða Axel Stefánsson í komandi verkefni. Óskar Bjarni hefur áður starfað með karlalandsliði Íslands sem aðstoðarþjálfari.

Æfingahópur íslenska kvennalandsliðsins í handbolta:

Markmenn:

Elín Jóna Þorsteinsdóttir 18/0

Erla Rós Sigmarsdóttir 4/0

Hafdís Renötudóttir 23/1

Vinstra horn:

Sigríður Hauksdóttir 9/16

Stefanía Theodórsdóttir 13/12

Vinstri skytta:

Andrea Jacobsen 15/13

Helena Rut Örvarsdóttir 32/69

Lovísa Thompson 17/28

Ragnheiður Júlíusdóttir 25/24

Leikstjórnendur:

Ester Óskarsdóttir 26/19

Eva Björk Davíðsdóttir 30/22

Hrafnhildur Hanna Þrastardóttir 30/60

Karen Knútsdóttir 95/336

Sandra Erlingsdóttir 1/4    

Hægri skytta:

Birna Berg Haraldsdóttir 53/112

Thea Imani Sturludóttir 33/45

Rut Jónsdóttir 89/184

Hægra horn:

Díana Dögg Magnúsdóttir 15/15

Þórey Rósa Stefánsdóttir 99/288

Línumenn:

Arna Sif Pálsdóttir 147/267

Steinunn Björnsdóttir 28/14

Perla Ruth Albertsdóttir 18/23

Starfslið:

Axel Stefánsson, landsliðsþjálfari

Óskar Bjarni Óskarsson, aðstoðarþjálfari

Ágústa Sigurjónsdóttir, sjúkraþjálfari

Særún Jónsdóttir, sjúkraþjálfari

Jóhann Róbertsson, læknir

Þorbjörg Gunnarsdóttir, liðsstjóri.