Meiddur Kane verður valinn í landsliðið

Samkvæmt heimildum Sky Sports ætlar Gareth Southgate, landsliðsþjálfari Englands, að velja framherjann Harry Kane í hóp enska landsliðsins fyrir úrslitin í Þjóðadeildinni.

Southgate mun opinbera hópinn sinn í dag en England spilar undanúrslitaleik gegn Hollandi þann 6. júní. Kane gæti spilað með Tottenham í úrslitum Meistaradeildarinnar þann 1. júní.

Southgate mun líklega velja 25 manna hóp í dag og einhverjir munu því detta út er lokahópurinn verður valinn.

Meiðslavandræði gera það að verkum að þjálfarinn tilkynnir svo stóran hóp en hann þarf að velja lokahóp þann 27. maí.