Falið að skoða ábendingar um hvarf Guðmundar og Geirfinns Aðalheiður Ámundadóttir skrifar 20. maí 2019 06:00 Halla Bergþóra Björnsdóttir, lögreglustjóri á Norðurlandi eystra. Vísir/Tryggvi Páll Dómsmálaráðherra hefur sett Höllu Bergþóru Björnsdóttur, lögreglustjóra á Norðurlandi eystra, til að taka afstöðu til þess hvort hefja beri lögreglurannsókn á grundvelli nýrra ábendinga um afdrif Guðmundar- og Geirfinns Einarssona. Þetta kemur fram í svari ráðuneytisins við fyrirspurn Fréttablaðsins. Samk væmt sakamálalögum getur ríkissaksóknari kveðið á um rannsókn máls, mælt fyrir um framkvæmd hennar og gefið öðrum ákærendum fyrirmæli um einstök mál. Málið er á borði ríkissaksóknara en Sigríður Friðjónsdóttir tilkynnti dómsmálaráðherra um vanhæfi sitt til að fara með málið í bréfi til dómsmálaráðherra 12. desember síðastliðinn. Var Halla Bergþóra settur ríkissaksóknari í stað Sigríðar 22. mars. Þegar Davíð Þór Björgvinsson, settur saksóknari í endurupptökumáli þeirra fimm sem sýknaðir voru af aðild að málinu síðastliðið haust, skilaði vinnu sinni til ríkissaksóknara vakti hann við það tækifæri sérstaka athygli á ábendingum um afdrif mannanna tveggja sem komið hafa fram á undanförnum árum. Þar á meðal var ábending um afdrif Guðmundar sem leiddi til handtöku tveggja manna árið 2015. Einnig voru teknar skýrslur af tveimur vitnum árið 2016 vegna meintra atvika í Vestmannaeyjum dagana í kringum hvarf Geirfinns árið 1974. Fréttablaðið greindi frá því í haust að lögreglan á höfuðborgarsvæðinu lægi undir feldi vegna málsins og hefði hug á að hefja rannsókn að nýju en biði formlegrar afstöðu ríkissaksóknara. Embættið hefur aðeins forræði á máli Guðmundar en hvarf Geirfinns heyrir hins vegar undir lögregluna á Suðurnesjum.Sakborningarnir í Guðmundar- og Geirfinnsmálum.Ábending um Guðmund Stefán Almarsson, sem er talinn hafa logið því að lögreglu að Kristján Viðar og Sævar ættu þátt í hvarfi Guðmundar, var yfirheyrður af lögreglu síðla árs 2015 í kjölfar vitnisburðar fyrrverandi sambýliskonu Stefáns sem bar að hún hefði verið farþegi í bíl undir hans stjórn þegar ekið var á Guðmund Einarsson aðfaranótt 27. janúar 1974. Guðmundur hafi verið tekinn upp í bílinn og henni svo ekið heim en mjög hafi verið dregið af Guðmundi þegar hún yfirgaf bílinn. Einnig var yfirheyrður Þórður Eyþórsson sem konan sagði einnig hafa verið farþega í bílnum. Stefán og Þórður neituðu hins vegar staðfastlega nokkurri aðkomu að hvarfi Guðmundar. Til er skýrsla af Stefáni frá árinu 1977 um ferðir hans kvöldið 27. janúar 1974. Hann sagðist hafa verið með nafngreindum vini sínum að skemmta sér í Reykjavík. Í skýrslutöku játaði vinur þessi hvorki né neitaði að hafa verið með Stefáni umrætt kvöld, en hann viðurkenndi að hafa þekkt Guðmund frá grunnskólaárum sínum. Hann er eldri bróðir Þórðar Eyþórssonar og mun hafa verið í meiri vinskap við Stefán en Þórður sem var aðeins 16 ára þegar Guðmundur hvarf. Ábendingar um Geirfinn Í lok árs 2016 gaf maður sig fram við lögreglu og bar um að hafa séð þrjá borgaralega klædda menn koma á smábáti til hafnar í Vestmannaeyjum 20. nóvember 1974, daginn eftir að Geirfinnur hvarf í Keflavík. Tveir þeirra hafi leitt þann þriðja á milli sín sem hafi verið máttfarinn og að því er virtist rænulítill. Þeir hafi komið inn í verbúð þar sem sjónarvotturinn var staddur og dvalið þar dágóðan tíma í lokuðu herbergi með leyfi kokksins í mötuneyti fyrirtækisins. Þegar þeir gengu aftur út hafi sá sem var á milli þeirra talað til hans og sagt: „Mundu eftir mér.“ Hann hafi svo horft á eftir þeim fara aftur um borð í trilluna og sigla frá bryggju. Nokkru síðar komu þeir að landi aftur en fóru þá bara tveir frá borði. Mennina hafi hann ekki séð aftur fyrr en nærri tveimur áratugum síðar austur á landi þar sem annar þeirra hafi verið að vinna í tengslum við lagningu háspennulínu fyrir Landsvirkjun. Einnig var tekin skýrsla af fyrrverandi sambýliskonu mannsins sem var með honum í verbúðinni í Eyjum. Hún sá ekki mennina þrjá. Hins vegar hafi hún fengið símtal tveimur dögum síðar og þeim hótað lífláti. Þau hafi óttast hótunina og því ekki sagt neitt fyrr en nú. Birtist í Fréttablaðinu Guðmundar- og Geirfinnsmálin Lögreglumál Mest lesið Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Sé hægt að gera byltingu í íslensku heilbrigðiskerfi Innlent Glímdi við veikindi fyrir andlátið sem breyttu persónuleika hans Innlent Menningarráðherra skipaði son heilbrigðisráðherra í formannsstörf Innlent Gátu ekki opnað hraðbankann þrátt fyrir ítrekaðar tilraunir Innlent Bylting framundan en Landspítalinn þurfi að hlaupa hraðar Innlent Þyrlan kölluð út vegna slasaðs manns í Gemludal Innlent Stefna Open AI vegna sjálfsvígs sonarins Erlent Grunaður hraðbankaþjófur nennti ekki með austur nóttina örlagaríku Innlent Fleiri fréttir Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Sjá meira
Dómsmálaráðherra hefur sett Höllu Bergþóru Björnsdóttur, lögreglustjóra á Norðurlandi eystra, til að taka afstöðu til þess hvort hefja beri lögreglurannsókn á grundvelli nýrra ábendinga um afdrif Guðmundar- og Geirfinns Einarssona. Þetta kemur fram í svari ráðuneytisins við fyrirspurn Fréttablaðsins. Samk væmt sakamálalögum getur ríkissaksóknari kveðið á um rannsókn máls, mælt fyrir um framkvæmd hennar og gefið öðrum ákærendum fyrirmæli um einstök mál. Málið er á borði ríkissaksóknara en Sigríður Friðjónsdóttir tilkynnti dómsmálaráðherra um vanhæfi sitt til að fara með málið í bréfi til dómsmálaráðherra 12. desember síðastliðinn. Var Halla Bergþóra settur ríkissaksóknari í stað Sigríðar 22. mars. Þegar Davíð Þór Björgvinsson, settur saksóknari í endurupptökumáli þeirra fimm sem sýknaðir voru af aðild að málinu síðastliðið haust, skilaði vinnu sinni til ríkissaksóknara vakti hann við það tækifæri sérstaka athygli á ábendingum um afdrif mannanna tveggja sem komið hafa fram á undanförnum árum. Þar á meðal var ábending um afdrif Guðmundar sem leiddi til handtöku tveggja manna árið 2015. Einnig voru teknar skýrslur af tveimur vitnum árið 2016 vegna meintra atvika í Vestmannaeyjum dagana í kringum hvarf Geirfinns árið 1974. Fréttablaðið greindi frá því í haust að lögreglan á höfuðborgarsvæðinu lægi undir feldi vegna málsins og hefði hug á að hefja rannsókn að nýju en biði formlegrar afstöðu ríkissaksóknara. Embættið hefur aðeins forræði á máli Guðmundar en hvarf Geirfinns heyrir hins vegar undir lögregluna á Suðurnesjum.Sakborningarnir í Guðmundar- og Geirfinnsmálum.Ábending um Guðmund Stefán Almarsson, sem er talinn hafa logið því að lögreglu að Kristján Viðar og Sævar ættu þátt í hvarfi Guðmundar, var yfirheyrður af lögreglu síðla árs 2015 í kjölfar vitnisburðar fyrrverandi sambýliskonu Stefáns sem bar að hún hefði verið farþegi í bíl undir hans stjórn þegar ekið var á Guðmund Einarsson aðfaranótt 27. janúar 1974. Guðmundur hafi verið tekinn upp í bílinn og henni svo ekið heim en mjög hafi verið dregið af Guðmundi þegar hún yfirgaf bílinn. Einnig var yfirheyrður Þórður Eyþórsson sem konan sagði einnig hafa verið farþega í bílnum. Stefán og Þórður neituðu hins vegar staðfastlega nokkurri aðkomu að hvarfi Guðmundar. Til er skýrsla af Stefáni frá árinu 1977 um ferðir hans kvöldið 27. janúar 1974. Hann sagðist hafa verið með nafngreindum vini sínum að skemmta sér í Reykjavík. Í skýrslutöku játaði vinur þessi hvorki né neitaði að hafa verið með Stefáni umrætt kvöld, en hann viðurkenndi að hafa þekkt Guðmund frá grunnskólaárum sínum. Hann er eldri bróðir Þórðar Eyþórssonar og mun hafa verið í meiri vinskap við Stefán en Þórður sem var aðeins 16 ára þegar Guðmundur hvarf. Ábendingar um Geirfinn Í lok árs 2016 gaf maður sig fram við lögreglu og bar um að hafa séð þrjá borgaralega klædda menn koma á smábáti til hafnar í Vestmannaeyjum 20. nóvember 1974, daginn eftir að Geirfinnur hvarf í Keflavík. Tveir þeirra hafi leitt þann þriðja á milli sín sem hafi verið máttfarinn og að því er virtist rænulítill. Þeir hafi komið inn í verbúð þar sem sjónarvotturinn var staddur og dvalið þar dágóðan tíma í lokuðu herbergi með leyfi kokksins í mötuneyti fyrirtækisins. Þegar þeir gengu aftur út hafi sá sem var á milli þeirra talað til hans og sagt: „Mundu eftir mér.“ Hann hafi svo horft á eftir þeim fara aftur um borð í trilluna og sigla frá bryggju. Nokkru síðar komu þeir að landi aftur en fóru þá bara tveir frá borði. Mennina hafi hann ekki séð aftur fyrr en nærri tveimur áratugum síðar austur á landi þar sem annar þeirra hafi verið að vinna í tengslum við lagningu háspennulínu fyrir Landsvirkjun. Einnig var tekin skýrsla af fyrrverandi sambýliskonu mannsins sem var með honum í verbúðinni í Eyjum. Hún sá ekki mennina þrjá. Hins vegar hafi hún fengið símtal tveimur dögum síðar og þeim hótað lífláti. Þau hafi óttast hótunina og því ekki sagt neitt fyrr en nú.
Birtist í Fréttablaðinu Guðmundar- og Geirfinnsmálin Lögreglumál Mest lesið Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Sé hægt að gera byltingu í íslensku heilbrigðiskerfi Innlent Glímdi við veikindi fyrir andlátið sem breyttu persónuleika hans Innlent Menningarráðherra skipaði son heilbrigðisráðherra í formannsstörf Innlent Gátu ekki opnað hraðbankann þrátt fyrir ítrekaðar tilraunir Innlent Bylting framundan en Landspítalinn þurfi að hlaupa hraðar Innlent Þyrlan kölluð út vegna slasaðs manns í Gemludal Innlent Stefna Open AI vegna sjálfsvígs sonarins Erlent Grunaður hraðbankaþjófur nennti ekki með austur nóttina örlagaríku Innlent Fleiri fréttir Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Sjá meira