Rannveig stýrir Kötlu við hlið föður síns

Rannveig Tryggvadóttir hefur verið ráðin í stöðu framkvæmdastjóra Kötlu. Fyrirtækið sérhæfir sig einnig í framleiðslu og þróun lausna fyrir bakarí, kjötiðnað og fiskiðnað. 

Í tilkynningu frá Kötlu segir að Rannveig hafi áralanga reynslu í markaðs- og auglýsingageiranum og starfaði síðast sem framkvæmdastjóri PIPAR/Media. Hún er með BS gráðu í sálfræði frá Háskóla Íslands og MS gráðu í Alþjóðaviðskiptum og markaðsfræði frá sama skóla. 

Hún bætist nú í hóp fárra kvenna í stjórnunarstöðum í matvælageiranum.

„Ég er þakklát fyrir það traust sem mér er sýnt að taka við fjölskyldufyrirtækinu og er full tilhlökkunar að takast á við þau fjölbreyttu verkefni sem mín bíða og leiða þann góða hóp sem starfar hjá fyrirtækinu.“

Rannveig telur gríðarleg tækifæri í matvælaiðnaði í dag, ekki síst hvað varðar sjálfbærni og umhverfismál. Nútíma neytandinn sé kröfuharðari á gæði, uppruna og umhverfisáhrif en fyrri kynslóðir og vilji láta til sín taka í þeim málum.

Katla er rótgróið fjölskyldufyrirtæki sem var stofnað 1954 og hefur verið í sömu eigu frá 1986. 

Rannveig mun vinna við hlið föður síns, Tryggva Magnússonar, sem hefur verið aðaleigandi frá árinu 1986. Hann mun halda áfram störfum sem forstjóri félagsins. Starfsmenn eru 25 talsins og er fyrirtækið til húsa á Kletthálsi.