Snoop Dogg sló viðeigandi heimsmet

Rapparinn vinsæli Snopp Dogg sló heimsmet á dögunum sem tengist laginu Gin and Juice.

Snoop Dogg kom fram á tónlistarhátíðinni BottleRock Napa Valley í Kaliforníu sem fram fór 24.-26. maí.

Á sviðinu blandaði Snoop Dogg stærsta kokteil heims sem var um fimm hundruð lítrar.

Í drykknum voru 180 flöskur af gini, 154 flöskur af brandí og 38 flöskur af appelsínusafa.

Heimsmetabók Guinness hefur nú þegar staðfest að um heimsmet sé að ræða og þótti viðeigandi að Snoop Dogg hafi tekið þátt í verkefninu þar sem lag hans Gin and Juice sló rækilega í gegn árið 1994.