Nadal vann opna franska risamótið í tólfta sinn

Spænski tenniskappinn Rafael Nadal reyndist hlutskarpastur á opna franska risamótinu sem fram fór á Roland Garros í París um helgina.

Nadal hafði betur gegn hinum austurríska Dominic Thiem en úrslitaleikurinn var stórskemmtilegur enda tveir af bestu tennisspilurum heims að mætast.

Fór að lokum svo að Nadal vann í fjórum settum (6-3, 5-7, 6-1 og 6-1).

Var þetta í 12.sinn sem hinn 33 ára gamli Nadal vinnur opna franska og er hann sá sigursælasti frá upphafi á þessu sögufræga móti.