Sprenging í Vínarborg

Fjórir slösuðust alvarlega þegar gassprenging, að öllum líkindum, varð í fimm hæða íbúðarhúsi í útjaðri Vínarborgar í Austurríki á fimmta tímanum í dag.

Nokkrar hæðir féllu saman en ljósmyndir af vettvangi hafa farið hátt á samfélagsmiðlum.

„Það var sem sprengju hafi verið varpað á húsið og hún síðan rifið gat,“ sagði talsmaður slökkviliðsins á vettvangi í samtali við fréttastofu Reuters.

Þrátt fyrir að búið sé að staðfesta að fjórir hafi slasast alvarlega segir talsmaður sjúkraflutninga í Vínarborg að ekki sé hægt að útiloka dauðsföll að svo stöddu.