Barcelona hefur gert tilboð í Brasilíumanninn Neymar hjá Paris Saint-Germain samkvæmt heimildum Sky.
Tilboðið hljóðar upp á 90 milljónir punda og svo má PSG velja sér tvo leikmenn af sex manna lista. Sky hefur heimildir fyrir því Philippe Coutinho, Ivan Rakitic, Nelson Semedo, Ousmane Dembélé og Malcolm séu á listanum. Ekki er vitað hver sjötti leikmaðurinn er.
Á þriðjudaginn greindi Sky frá því að Neymar hefði óskað eftir sölu frá PSG.
Franska liðið keypti Neymar frá Barcelona á 200 milljónir punda fyrir tveimur árum en nú vill hann snúa aftur til Katalóníu.
Leonardo, yfirmaður knattspyrnumála hjá PSG, sagði að félagið væri tilbúið að selja Neymar ef álitlegt tilboð bærist í hann. Þá sagði hann að PSG hefði átt í óformlegum viðræðum við Barcelona.
Barcelona býður 90 milljónir punda í Neymar og PSG má velja sér tvo leikmenn
Tengdar fréttir
Neymar óskar eftir sölu
Brasilíumaðurinn vill komast frá frönsku meisturunum.
„Neymar má fara“
Yfirmaður knattspyrnumála hjá Paris Saint-Germain segir Neymar mega fara frá félaginu eftir að brasilíska stjarnan lét ekki sjá sig á æfingu í gær.
Neymar fær himinháa sekt eftir að hafa skrópað á æfingu
PSG hefur gripið til ráðstafanna vegna fjarveru Neymar.
Neymar skrópaði á æfingu
Brassin heldur áfram að baka vandræði.
Uppáhalds minning Neymars er þegar hann vann PSG
Brasilíumaðurinn Neymar heldur áfram að daðra við sitt gamla félag, Barcelona.
