Málfríður Erna hætt við að hætta

Það vakti athygli að Málfríður Erna Sigurðardóttir var á varamannabekk Vals þegar liðið vann 0-3 sigur á Þór/KA í stórleik 10.umferðar Pepsi-Max deildarinnar í gær.

Þessi 35 ára gamli varnarjaxl gaf það út fyrir mót í vor að hún hygðist taka sér frí frá knattspyrnuiðkun um óákveðinn tíma.

Hún hefur nú tekið skóna af hillunni en hún sat allan tímann á bekknum í gær.

Málfríður á 33 A-landsleiki að baki fyrir Íslands hönd og ljóst að endurkoma hennar styrkir Valsliðið en liðið er í harðri og hnífjafnri baráttu við Breiðablik um toppsæti Pepsi-Max deildarinnar.