Tottenham Audi-meistari eftir vítaspyrnukeppni

Tottenham er Audi-meistari eftir sigur á Bayern Munchen en vítaspyrnukeppni þurfti til þess að útkljá sigurvegara. Staðan var 2-2 eftir venjulegan leiktíma.

Erik Lamela skoraði fyrsta markið á 19. mínútu og Tottenham var 1-0 yfir í hálfleik. Christian Eriksen tvöfaldaði forystuna eftir stundarfjórðung í síðari hálfleik og góð staða Tottenham.

#THFC: Lloris (C), Walker-Peters, Sanchez, Vertonghen, Rose, Winks, Sissoko, Dele, Lamela, Nkoudou, Lucas.#AudiCup ⚪️ #COYSpic.twitter.com/2Ewtq8DOP7

— Tottenham Hotspur (@SpursOfficial) July 31, 2019

Hinn nítján ára gamli Jann-Fiete Arp minnkaði muninn á 61. mínútu og tuttugu mínútum síðar var það hinn átján ára gamli Alphonso Davies sem jafnaði metin.

Ungu strákarnir að bjarga Bæjurum og staðan 2-2. Ekki var gripið til framlengingar heldur var farið beint í vítaspyrnukeppni.

Captain Canada!#AudiCup 2-2 pic.twitter.com/XND1lD9b5E

— FC Bayern English (@FCBayernEN) July 31, 2019

Christian Eriksen klúðraði sinni vítaspyrnu og það gerði David Alaba einnig. Það var svo í sjöttu umferð vítaspyrnukeppninnar sem úrslitin réðust er Gazzanigga varði spyrnu Bæjara.

Tottenham spilar við Inter Milan á sunnudaginn en það er síðasti leikur liðsins áður en enska úrvalsdeildin hófst. Bayern spilar við Dortmund í þýska Ofurbikarnum um helgina.