Tölfræðin sem fær stuðningsmenn Everton til að dreyma

Everton er við það að ganga frá kaupum á framherjanum, Moise Kean, sem kemur til félagsins frá Juventus en fjölmiðlar greindu frá því í gær að félögin hafi komist að samkomulagi.

Talið er að ítalski landsliðsmaðurinn gangi undir læknisskoðun hjá Everton í dag en Gylfi Þór Sigurðsson og félagar eru taldir borga 29 milljónir punda fyrir Keane.

Kean er einungis nítján ára gamall og skoraði sex mörk í þeim þrettán deildarleikjum sem hann spilaði fyrir Juventus á síðustu leiktíð. Einnig á hann tvö landsliðsmörk í þremur leikjum.

Tölfræði Kean er þó athyglisverð því eftir 35 leiki í meistaraflokksbolta hefur hann skorað ellefu mörk; sjö fyrir Juventus og fjögur fyrir Verona þar sem hann var á láni tímabilið 2017/2018.

Goals scored after 35 professional league games:

11 - Moise Kean

10 - Lionel Messi

4 - Cristiano Ronaldo

#EFCpic.twitter.com/voZWqKPt61

— William Hill (@WilliamHill) July 30, 2019

Því er hann búinn að skora fleiri mörk eftir 35 leiki með aðalliði en stórstjörnurnar Cristiano Ronaldo og Lionel Messi höfðu gert eftir jafn marga leiki.

Everton sárvantaði alvöru markaskorara á síðustu leiktíð og hver veit nema Kean sé púslið sem vantaði hjá þeim bláklæddu í Bítlaborginni.