Draumalið Bandaríkjanna á ÓL 1992 var skipað ellefu af bestu körfuboltamönnum allra tíma og einum háskólaleikmanni, Christian Laettner.
Þetta var í fyrsta sinn sem atvinnumenn fengu að spila á Ólympíuleikunum og í framhaldi varð NBA-körfuboltinn gríðarlega vinsæll út um allan heim.
Í aðalhlutverkum í bandaríska liðinu voru menn eins og Michael Jordan, Magic Johnson, Karl Malone, Charles Barkley, Chris Mullin og Larry Bird.
Twenty-seven years ago today, the "Dream Team"—featuring NBA players for the first time—won gold at the '92 Olympics
The team:
Magic
Charles Barkley
Chris Mullin
John Stockton
Karl Malone
Clyde
MJ
Scottie Pippen
Larry Bird
Patrick Ewing
Christian Laettner
David Robinson pic.twitter.com/Ch7YMd5nHA
— Bleacher Report (@BleacherReport) August 8, 2019
Þarna voru líka frábærir leikmenn eins og þeir Clyde Drexler, Patrick Ewing, Scottie Pippen, David Robinson og John Stockton.
Bandaríska liðið vann alla leiki sína á Ólympíuleikunum og það með 44 stigum að meðaltali í leik. Í úrslitaleiknum mætti bandaríska liðið Króatíu og vann leikinn með 32 stigum, 117-85. Bandaríkjamenn höfðu unnið Króatana með 33 stigum í riðlinum, 103-70.
Stærsti sigurinn var á móti Angóla í fyrsta leik en Bandaríkjamenn unnu hann með 68 stiga mun eða 116-48.
On this day in 1992, The Dream Team won gold at the Olympics in Barcelona
Greatest basketball team ever assembled? pic.twitter.com/PuDJnruTxY
— Yahoo Sports (@YahooSports) August 8, 2019
Charles Barkley var stigahæsti leikmaður bandaríska liðsins á leikunum en hann skorað 18,0 stig að meðaltali í leik á leikunum. Barkley nýtti 71 prósent skota sinna þar af 7 af 8 þriggja stiga skotum (87,5%).
Michael Jordan var bæði næst stigahæstur (14,9 stig í leik) og þriðji stoðsendingahæstur (4,8 stoðsendingar í leik). Scottie Pippen gaf flestar stoðsendingar eða 5,9 í leik en Magic Johnson var með 5,5 stoðsendingar að meðaltali.
Auk Barkley og Jordan voru þrír aðrir leikmenn með meira en tíu stig að meðaltali í leik eða þeir Karl Malone (13,0), Chris Mullin (12,9) og Clyde Drexler (10,5). Allir leikmenn nema Christian Laettner og John Stockton voru með meira en átta stig að meðaltali í leik.
Patrick Ewing og Karl Malone tóku flest fráköst eða 5,3 að meðaltali en Barkley og David Robinson komu næstir með 4,1 frákast í leik.
27 years ago today, the "Greatest Team of All-Time" won Gold in the 1992 Olympics.
The DREAM TEAM went undefeated, winning by an average of 44 points (68 was the largest margin of victory): https://t.co/KobIWQqhOEpic.twitter.com/JYCcsK7qD0
— Ballislife.com (@Ballislife) August 8, 2019