Segja endurkomu Obi-Wan Kenobi yfirvofandi Vésteinn Örn Pétursson skrifar 16. ágúst 2019 09:30 McGregor (t.h.) sést hér í hlutverki Obi-Wan Kenobi í The Phantom Menace. Vísir/EPA Skoski leikarinn Ewan McGregor gæti snúið aftur í eitt sinna þekktustu hlutverka á næstu misserum. Afþreyingarfjölmiðlar í Bandaríkjunum greina nú frá því að leikarinn sé í viðræðum við Disney um að taka sér geislasverð í hönd og bregða sér í hlutverk Jedi-meistarans Obi-Wan Kenobi á nýjan leik. McGregor er öllum aðdáendum Stjörnustríðsmyndanna vel kunnur, en hann fór eins og áður segir með hlutverk Obi-Wan Kenobi, sem er ein dáðasta vísindaskáldskaparpersóna kvikmyndasögunnar. McGregor brá sér fyrst í hlutverkið árið 1999 í fjórðu Stjörnustríðsmyndinni, Star Wars – Episode 1: The Phantom Menace. Þá fór hann einnig með hlutverkið í myndunum Star Wars – Episode 2: Attack of the Clones (2002) og Star Wars – Episode 3: Revenge of the Sith (2005). Myndirnar þrjár eru taldar til forsögumynda (e. prequels), sem þýðir að þær gerast áður en upprunalega sagan á sér stað.IGN greinir frá því að ekki sé um kvikmyndahlutverk að ræða, heldur kæmi McGregor til með að fara með hlutverk hins gamla lærimeistara Anakins Skywalker í nýjum Stjörnustríðsþáttum á fyrirhugaðri streymisveitu Disney. Hin nýja streymisveita, sem fer af stað í nóvember og mun bera hið einfalda heiti Disney+, mun væntanlega koma sterk inn í þá samkeppni sem fyrir er á streymismarkaðnum, þar sem Hulu, Netflix og Amazon berjast fyrir um hylli áhorfenda. Bandaríkin Disney Star Wars Mest lesið Kristín Péturs orðin tveggja drengja móðir Lífið Stefán Einar keypti 145 milljón króna þakíbúð Lífið Heklaði sér fyrir útborgun í húsi í Þingholtunum Lífið Glæsileg íbúð handboltakempu í Sigvaldahúsi Lífið Typpi í einu gati, tæki í öðru Lífið Sígild sumarterta að hætti Dana Lífið Stjörnufans í sumarselskap Lífið Katrín Tanja og Brooks tilkynna kynið Lífið Þau allra nettustu á Met Gala Tíska og hönnun Arnór Ingvi og Andrea skinu skært í sænsku konungshöllinni Lífið Fleiri fréttir Trump tollar kvikmyndir: „Eins og reiður, fullur pabbi sem ætlar að hætta við jólin“ Fyrsta íslenska myndin í Cannes Premiere-flokki Íslendingurinn á bak við tugmilljarða myndina: „Þetta er eiginlega fram úr öllum vonum“ Viðræður hafnar um framhald á Adolescence Rísandi stórstjarna og alvöru hjartaknúsari Bestu myndir Vals Kilmer og verstu floppin Þeir munu túlka Bítlana í myndum Sam Mendes Sjá meira
Skoski leikarinn Ewan McGregor gæti snúið aftur í eitt sinna þekktustu hlutverka á næstu misserum. Afþreyingarfjölmiðlar í Bandaríkjunum greina nú frá því að leikarinn sé í viðræðum við Disney um að taka sér geislasverð í hönd og bregða sér í hlutverk Jedi-meistarans Obi-Wan Kenobi á nýjan leik. McGregor er öllum aðdáendum Stjörnustríðsmyndanna vel kunnur, en hann fór eins og áður segir með hlutverk Obi-Wan Kenobi, sem er ein dáðasta vísindaskáldskaparpersóna kvikmyndasögunnar. McGregor brá sér fyrst í hlutverkið árið 1999 í fjórðu Stjörnustríðsmyndinni, Star Wars – Episode 1: The Phantom Menace. Þá fór hann einnig með hlutverkið í myndunum Star Wars – Episode 2: Attack of the Clones (2002) og Star Wars – Episode 3: Revenge of the Sith (2005). Myndirnar þrjár eru taldar til forsögumynda (e. prequels), sem þýðir að þær gerast áður en upprunalega sagan á sér stað.IGN greinir frá því að ekki sé um kvikmyndahlutverk að ræða, heldur kæmi McGregor til með að fara með hlutverk hins gamla lærimeistara Anakins Skywalker í nýjum Stjörnustríðsþáttum á fyrirhugaðri streymisveitu Disney. Hin nýja streymisveita, sem fer af stað í nóvember og mun bera hið einfalda heiti Disney+, mun væntanlega koma sterk inn í þá samkeppni sem fyrir er á streymismarkaðnum, þar sem Hulu, Netflix og Amazon berjast fyrir um hylli áhorfenda.
Bandaríkin Disney Star Wars Mest lesið Kristín Péturs orðin tveggja drengja móðir Lífið Stefán Einar keypti 145 milljón króna þakíbúð Lífið Heklaði sér fyrir útborgun í húsi í Þingholtunum Lífið Glæsileg íbúð handboltakempu í Sigvaldahúsi Lífið Typpi í einu gati, tæki í öðru Lífið Sígild sumarterta að hætti Dana Lífið Stjörnufans í sumarselskap Lífið Katrín Tanja og Brooks tilkynna kynið Lífið Þau allra nettustu á Met Gala Tíska og hönnun Arnór Ingvi og Andrea skinu skært í sænsku konungshöllinni Lífið Fleiri fréttir Trump tollar kvikmyndir: „Eins og reiður, fullur pabbi sem ætlar að hætta við jólin“ Fyrsta íslenska myndin í Cannes Premiere-flokki Íslendingurinn á bak við tugmilljarða myndina: „Þetta er eiginlega fram úr öllum vonum“ Viðræður hafnar um framhald á Adolescence Rísandi stórstjarna og alvöru hjartaknúsari Bestu myndir Vals Kilmer og verstu floppin Þeir munu túlka Bítlana í myndum Sam Mendes Sjá meira