Brauðtertur eru enginn viðbjóður Þórarinn Þórarinsson skrifar 27. ágúst 2019 08:00 Gestir fylgdust spenntir með úrslitum brauðtertukeppninnar, en hún er vonandi komin til að vera. Myndir/Helga Pálína Brynjólfsdóttir „Það var eiginlega of vel mætt á viðburðinn og við Margrét Dóróthea týndum Sigga Hall tvisvar í þvögunni á meðan við gengum á milli brauðterta,“ segir Erla Hlynsdóttir sem dæmdi herlegheitin ásamt Sigga og Margréti Dórótheu Sigfúsdóttur, skólastjóra Hússtjórnarskólans í Reykjavík. Brauðtertukeppnin á rætur að rekja til létts gríns hennar og Erlu Gísladóttur sem hefur heldur betur undið upp á sig í Facebook-hóp sem kenndur er við Brauðtertufélagið og telur yfir 8.000 manns.Þessi terta eftir Sólrúnu Sigurðardóttir var valin bragðbesta tertan.„Ég týndist víst líka einu sinni,“ segir Erla á léttu nótunum enda að vonum ánægð með undirtektirnar. „Ég verð að þakka öllum þessum frábæru þátttakendum því án þeirra hefði ekki verið nein keppni. Þetta fór fram úr mínum björtustu vonum. Brauðtertan er greinilega upprisin og mér heyrist á öllu að við verðum að gera þetta að árlegum viðburði,“ segir Erla. Siggi Hall segist ekki efast um að brauðtertukeppnin sé komin til að vera. „Ég er alveg staðfastur á því að þetta verður árlegt og verður bara flottara og betra. Það þarf bara að semja einhverjar reglur af því að brauðterta á að vera brauðterta og má ekki vera eitthvert rugl. Þetta vex og dafnar og verður bara flott konsept og mjög í hávegum haft í alla staði,“ segir Siggi brattur.Þessi fallega brauðterta er vegan og ber nafnið Haustfagnaður, en hún var gerð af Bergþóru Heiðu Guðmundsdóttur.Enginn viðbjóður En brauðtertur eru náttúrlega viðbjóður … „Nei. Sko, þetta er nefnilega enginn viðbjóður. Brauðtertur eru góðar nema þær séu vondar,“ segir Siggi og grípur til varna fyrir þennan gamalgróna veislukost og majónesið, límið sem heldur öllu gumsinu saman.Þessi var valin best skreytta tertan síðasta laugardag.„Það er oft dálítið ómaklega að majónesi vegið. Það er ekkert eitrað, ógeðslegt og vont eins og fólk er að segja. Nema ef þú tekur eins og þrjá desilítra af majónesi með tómatsósu í svona kokteilsósuformi og borðar það allt saman með einhverjum vondum frönskum kartöflum, þá verður það ekki sniðugt. Þá er þetta kransæðakrem en það er nú önnur saga,“ heldur meistarakokkurinn áfram.Hér sjást frumlegustuterturnar en þær voru með harðfisksalati og fylltar með rauðbeðum. „Brauðtertur blandaðar með majónesi og sýrðum rjóma og eins og er módern í dag, grískri jógúrt og svona. Það er allt í lagi. Það er bara fínt.“Brauðterta með nautahakkssalati gerð af Guðmundi Helgasyni.Borðað með augunum Siggi leggur mikla áherslu á að brauðterturnar líti vel út og að þær verði að vera fagurlega skreyttar. Linda Gustafsson gerði þessa fallegu rækjukremtertu.„Það er mikið atriði af því að brauðterta á að vera skreytt. Maður borðar sko brauðtertu líka með augunum. Hún er skraut á borði og það eiga alltaf að vera brauðtertur í öllum skírnar- og fermingarveislum. Og stúdentsveislum auðvitað. „Það verður engin brauðterta í ár,“ söng Bjartmar Guðlaugsson þegar hann sá að hann myndi aldrei verða stúdent.“Fréttablaðið/Anton BrinkEiginlega alíslensk Siggi segir að eftir nokkra eftirgrennslan hafi hafi hann og Svala Ólafsdóttir, eiginkona hans, komist að þeirri niðurstöðu að brauðtertan sé eiginlega í grunninn íslenskt fyrirbæri. „Svíar eiga sko smörgåstårta sem er ekki alveg það sama. Svo veit ég líka að okkar kæru frændur, Færeyingarnir, eru mjög miklir brauðtertumenn. Og það getur kannski og líklega verið komið frá Íslandi. Þessi sérstaka brauðterta, ég held hún sé íslensk svona með rækjusalatinu, eða með skinku og aspassalati og svo er hangikjötið náttúrlega bara séríslenskt og svo framvegis.“ Birtist í Fréttablaðinu Matur Menningarnótt Reykjavík Mest lesið „Ég er mjög hrædd um að einhver ræni mér“ Lífið Veisla fyrir augu og eyru Gagnrýni Íslensk fyrirsæta slær í gegn á tískupöllum Mílanó Tíska og hönnun „Stefán er að hengja bakara fyrir að vera ekki smiður“ Menning Var á klóinu þegar skilaboðin bárust og hélt að ferlinum væri lokið Lífið Ekki er allt gull sem glóir Gagnrýni Herra Skepna sló Hafþór utan undir Lífið Kristrún meðal hundrað rísandi stjarna Time Lífið Leið yfir hana umkringd nöktum konum Lífið Kláraði lögfræði meðan hún sat fyrir hjá Dior Tíska og hönnun Fleiri fréttir „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Sjá meira
„Það var eiginlega of vel mætt á viðburðinn og við Margrét Dóróthea týndum Sigga Hall tvisvar í þvögunni á meðan við gengum á milli brauðterta,“ segir Erla Hlynsdóttir sem dæmdi herlegheitin ásamt Sigga og Margréti Dórótheu Sigfúsdóttur, skólastjóra Hússtjórnarskólans í Reykjavík. Brauðtertukeppnin á rætur að rekja til létts gríns hennar og Erlu Gísladóttur sem hefur heldur betur undið upp á sig í Facebook-hóp sem kenndur er við Brauðtertufélagið og telur yfir 8.000 manns.Þessi terta eftir Sólrúnu Sigurðardóttir var valin bragðbesta tertan.„Ég týndist víst líka einu sinni,“ segir Erla á léttu nótunum enda að vonum ánægð með undirtektirnar. „Ég verð að þakka öllum þessum frábæru þátttakendum því án þeirra hefði ekki verið nein keppni. Þetta fór fram úr mínum björtustu vonum. Brauðtertan er greinilega upprisin og mér heyrist á öllu að við verðum að gera þetta að árlegum viðburði,“ segir Erla. Siggi Hall segist ekki efast um að brauðtertukeppnin sé komin til að vera. „Ég er alveg staðfastur á því að þetta verður árlegt og verður bara flottara og betra. Það þarf bara að semja einhverjar reglur af því að brauðterta á að vera brauðterta og má ekki vera eitthvert rugl. Þetta vex og dafnar og verður bara flott konsept og mjög í hávegum haft í alla staði,“ segir Siggi brattur.Þessi fallega brauðterta er vegan og ber nafnið Haustfagnaður, en hún var gerð af Bergþóru Heiðu Guðmundsdóttur.Enginn viðbjóður En brauðtertur eru náttúrlega viðbjóður … „Nei. Sko, þetta er nefnilega enginn viðbjóður. Brauðtertur eru góðar nema þær séu vondar,“ segir Siggi og grípur til varna fyrir þennan gamalgróna veislukost og majónesið, límið sem heldur öllu gumsinu saman.Þessi var valin best skreytta tertan síðasta laugardag.„Það er oft dálítið ómaklega að majónesi vegið. Það er ekkert eitrað, ógeðslegt og vont eins og fólk er að segja. Nema ef þú tekur eins og þrjá desilítra af majónesi með tómatsósu í svona kokteilsósuformi og borðar það allt saman með einhverjum vondum frönskum kartöflum, þá verður það ekki sniðugt. Þá er þetta kransæðakrem en það er nú önnur saga,“ heldur meistarakokkurinn áfram.Hér sjást frumlegustuterturnar en þær voru með harðfisksalati og fylltar með rauðbeðum. „Brauðtertur blandaðar með majónesi og sýrðum rjóma og eins og er módern í dag, grískri jógúrt og svona. Það er allt í lagi. Það er bara fínt.“Brauðterta með nautahakkssalati gerð af Guðmundi Helgasyni.Borðað með augunum Siggi leggur mikla áherslu á að brauðterturnar líti vel út og að þær verði að vera fagurlega skreyttar. Linda Gustafsson gerði þessa fallegu rækjukremtertu.„Það er mikið atriði af því að brauðterta á að vera skreytt. Maður borðar sko brauðtertu líka með augunum. Hún er skraut á borði og það eiga alltaf að vera brauðtertur í öllum skírnar- og fermingarveislum. Og stúdentsveislum auðvitað. „Það verður engin brauðterta í ár,“ söng Bjartmar Guðlaugsson þegar hann sá að hann myndi aldrei verða stúdent.“Fréttablaðið/Anton BrinkEiginlega alíslensk Siggi segir að eftir nokkra eftirgrennslan hafi hafi hann og Svala Ólafsdóttir, eiginkona hans, komist að þeirri niðurstöðu að brauðtertan sé eiginlega í grunninn íslenskt fyrirbæri. „Svíar eiga sko smörgåstårta sem er ekki alveg það sama. Svo veit ég líka að okkar kæru frændur, Færeyingarnir, eru mjög miklir brauðtertumenn. Og það getur kannski og líklega verið komið frá Íslandi. Þessi sérstaka brauðterta, ég held hún sé íslensk svona með rækjusalatinu, eða með skinku og aspassalati og svo er hangikjötið náttúrlega bara séríslenskt og svo framvegis.“
Birtist í Fréttablaðinu Matur Menningarnótt Reykjavík Mest lesið „Ég er mjög hrædd um að einhver ræni mér“ Lífið Veisla fyrir augu og eyru Gagnrýni Íslensk fyrirsæta slær í gegn á tískupöllum Mílanó Tíska og hönnun „Stefán er að hengja bakara fyrir að vera ekki smiður“ Menning Var á klóinu þegar skilaboðin bárust og hélt að ferlinum væri lokið Lífið Ekki er allt gull sem glóir Gagnrýni Herra Skepna sló Hafþór utan undir Lífið Kristrún meðal hundrað rísandi stjarna Time Lífið Leið yfir hana umkringd nöktum konum Lífið Kláraði lögfræði meðan hún sat fyrir hjá Dior Tíska og hönnun Fleiri fréttir „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Sjá meira