Í uppáhaldi hjá Sunnevu Einars

Sunneva Einarsdóttir er í hörkuformi og slær ekki slöku við í ræktinni. Fáir Íslendingar eru með fleiri fylgjendur á samfélagsmiðlum og virðist fólk mjög forvitið um hennar hagi. 

Það sem er áberandi og vekur athygli í hennar lífi er ræktin og matur. Hún er greinilega mjög dugleg að hreyfa sig en leyfir sér líka góðan mat. Sunneva hefur verið ötul við að birta myndir frá Culiacan um langt skeið og er því áhugavert að sjá hvaða rétti hún fær sér helst þar. Ostasósan góða er í algjöru uppáhaldi hjá henni en sósan er með miklu cheddarostabragði og þykir afburða góð.



Á mexíkóska veitingastaðnum Culiacan hefur í mörg ár verið boðið upp á girnilegan mat og staðurinn lagt sig fram við að koma til móts við ýmsa hópa með réttum sem eru sérstaklega reiknaðir út með tilliti til mismunandi mataræðis. Staðurinn býður til að mynda upp á lágkolvetna-, vegan- og ketórétti.

Meðal þeirra er Enchilada Hlauparans. Rétturinn ber nafn með rentu því hann er hannaður í samstarfi við næringarfræðingana og hlauparana Fríðu Rún Þórðardóttur og Steinar B. Aðalbjörnsson. Rétturinn er einstaklega ljúffengur og ekki síður næringarríkur. Hann samanstendur af heilhveiti tortillaköku með hrísgrjónum, kjúklingi, fersku salsa, maís, sósu, osti, káli, ostasósu, nachos og guacamole.

Mikill fjöldi fólks tekur fram hlaupaskóna um helgina og tekur þátt í Reykjavíkurmaraþoni Íslandsbanka og því er tilvalið að skella sér á Culiacan annað hvort daginn fyrir hlaup eða eftir. Það er ekki síður mikilvægt að næra sig vel eftir átökin. Þessa miklu hlaupahelgi er Enchilada Hlauparans á sérstöku tilboðsverði, aðeins 1.418 kr.

Culiacan er til húsa að Suðurlandsbraut 4a og Mathöll Höfða.  Nánari upplýsingar er að finna á heimasíðu Culiacan og á Facebook.