Vinn út frá tilfinningum Kolbrún Bergþórsdóttir skrifar 2. september 2019 07:15 Nú vinn ég nær eingöngu að bókverkum, segir Eiríkur. Fréttablaðið/Sigtryggur Ari Turnar er heiti á sýningu myndlistarmannsins Eiríks Arnars Magnússonar í Listasafni Akureyrar. Sýningin stendur yfir í heilt ár og lýkur í ágústmánuði 2020.Verkið Portrett á sýningunni Vor.Verk Eiríks á sýningunni eru tvö bókverk, sem listamaðurinn kallar bókaturna. „Ég hef verið að gera bókverk úr pappa sem þurfa auðvitað að vera inni svo þau skemmist ekki. En núna var ég að vinna verk sem verða undir berum himni í heilt ár svo ég byggði þeim heimili úr timbri og það efni er allt fengið úr gömlum húsum hér í bænum. Þetta eru eins konar hús sem eru rúmlega tveir metrar á hæð og áhorfandinn verður að rýna inn um glugga til að skoða verkin,“ segir hann. Eiríkur útskrifaðist úr myndlistardeild Listaháskóla Íslands árið 2007. „Í náminu málaði ég aðallega portrett en svo bauðst mér að fara á námskeið í bókbandi í skólanum og þá kviknaði mikill áhugi á því handverki og það hefur smátt og smátt tekið yfir málverkið og nú vinn ég nær eingöngu að bókverkum. Í verkum mínum leitast ég við að upphefja handverkið sem enginn sér á bak við bókarkjölinn,“ segir hann.Bókaturnar listamannsins á sýningunni Turnar á Akureyri.Hann segist leita uppi gamlar bækur. „Ég fer út um allt að leita að þeim og vil helst gamlar, trosnaðar, bækur sem mér finnst vera fallegar. Það er mikil saga í hundrað ára gamalli bók sem bókbindari hefur saumað saman í höndunum. Svo kem ég hundrað árum síðar, tek hana í sundur og skapa eitthvað nýtt úr henni með höndunum og hún öðlast framhaldslíf í nýju formi.“ Eiríkur á bókverk á sýningunni Vor, samsýningu norðlenskra listamanna, í Listasafni Akureyrar, en þeirri sýningu lýkur 29. september. Verkið kallar hann Portrett. „Þetta verk hefur fengið mjög góð viðbrögð, fólk staldrar lengi við til að virða það fyrir sér. Það er saga í þessu verki. Fyrir utan tvo hluti er ekkert í því yngra en hundrað ára.“ Hann segist hafa sérstaka tilfinningu fyrir þessu verki. „Í mínum huga er þetta saga gamals manns sem er búinn að safna hlutum og minningum í hilluna sína í áraraðir. Í öllum mínum verkum vinn ég út frá tilfinningum og ég hef loksins áttað mig á því að ég er að gera þetta bara fyrir sjálfan mig.“ Akureyri Birtist í Fréttablaðinu Menning Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira
Turnar er heiti á sýningu myndlistarmannsins Eiríks Arnars Magnússonar í Listasafni Akureyrar. Sýningin stendur yfir í heilt ár og lýkur í ágústmánuði 2020.Verkið Portrett á sýningunni Vor.Verk Eiríks á sýningunni eru tvö bókverk, sem listamaðurinn kallar bókaturna. „Ég hef verið að gera bókverk úr pappa sem þurfa auðvitað að vera inni svo þau skemmist ekki. En núna var ég að vinna verk sem verða undir berum himni í heilt ár svo ég byggði þeim heimili úr timbri og það efni er allt fengið úr gömlum húsum hér í bænum. Þetta eru eins konar hús sem eru rúmlega tveir metrar á hæð og áhorfandinn verður að rýna inn um glugga til að skoða verkin,“ segir hann. Eiríkur útskrifaðist úr myndlistardeild Listaháskóla Íslands árið 2007. „Í náminu málaði ég aðallega portrett en svo bauðst mér að fara á námskeið í bókbandi í skólanum og þá kviknaði mikill áhugi á því handverki og það hefur smátt og smátt tekið yfir málverkið og nú vinn ég nær eingöngu að bókverkum. Í verkum mínum leitast ég við að upphefja handverkið sem enginn sér á bak við bókarkjölinn,“ segir hann.Bókaturnar listamannsins á sýningunni Turnar á Akureyri.Hann segist leita uppi gamlar bækur. „Ég fer út um allt að leita að þeim og vil helst gamlar, trosnaðar, bækur sem mér finnst vera fallegar. Það er mikil saga í hundrað ára gamalli bók sem bókbindari hefur saumað saman í höndunum. Svo kem ég hundrað árum síðar, tek hana í sundur og skapa eitthvað nýtt úr henni með höndunum og hún öðlast framhaldslíf í nýju formi.“ Eiríkur á bókverk á sýningunni Vor, samsýningu norðlenskra listamanna, í Listasafni Akureyrar, en þeirri sýningu lýkur 29. september. Verkið kallar hann Portrett. „Þetta verk hefur fengið mjög góð viðbrögð, fólk staldrar lengi við til að virða það fyrir sér. Það er saga í þessu verki. Fyrir utan tvo hluti er ekkert í því yngra en hundrað ára.“ Hann segist hafa sérstaka tilfinningu fyrir þessu verki. „Í mínum huga er þetta saga gamals manns sem er búinn að safna hlutum og minningum í hilluna sína í áraraðir. Í öllum mínum verkum vinn ég út frá tilfinningum og ég hef loksins áttað mig á því að ég er að gera þetta bara fyrir sjálfan mig.“
Akureyri Birtist í Fréttablaðinu Menning Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira