Enski boltinn

Hollenskur knattspyrnumaður skotinn til bana í Amsterdam

Anton Ingi Leifsson skrifar
Kelvyn í leik með Burton.
Kelvyn í leik með Burton. vísir/getty
Hollenski knattspyrnumaðurinn og fyrrum leikmaður Burton Albion á Englandi, Kelvin Maynard, var í gær skotinn til bana í Amsterdam.

Tveir menn á mótorhjóli réðust á hann og skutu hann til bana.

Lögreglan staðfesti þetta í morgun að hinn 32 ára gamli Kelvin hafi orðið fyrir árásinni en hann var að keyra bíl sinn í Langbroekdreef hverfinu í Amsterdam.

Maynard reyndi að komast undan árásarmönnunum en það tókst ekki. Árásarmennirnir flúðu af vettvangi en lögreglan í Hollandi hefur hafið leit sína að mönnum.







Maynard kom til Englands árið 2014 er hann gekk í raðir Burton þar sem landi hans, Jimmy Floyd Hasselbaink, var þjálfari liðsins.

Hann spilaði í tvö ár með Burton og hjálpaði liðinu að komast upp í ensku C-deildina á sínu fyrsta tímabili með félaginu.

Meiðsli á hné gerðu honum erfitt fyrir leiktíðina á eftir og fór hann frá Burton árið 2016. Hann hafði spilað í heimalandinu síðan þá.

Enski boltinn Holland

Mest lesið


Fleiri fréttir

Sjá meira


×

Mest lesið