Zlatan gaf börnum frí í skólanum til að sjá styttu af sér

Zlatan Ibrahimovic ætlar að gefa öllum skólabörnum í Malmö frí frá skóla í dag til þess að mæta á afhjúpun styttu af honum.

Zlatan skrifaði á Twitter í gærkvöldi að stytta af honum yrði afhjúpuð við heimavöll Malmö klukkan 15:00 í dag. Hann bætti við að öll börn fengu frí frá skólanum til þess að vera viðstödd.

Malmö/Sverige Vi ses imorgon, tisdag kl 15.00 på Malmö stadion för avtäckning av statyn. Zlatan ger ledigt till alla ungdomar från malmö skolor att delta under ceremonin!

— Zlatan Ibrahimović (@Ibra_official) October 7, 2019

Samkvæmt sænskum fjölmiðlum eru ráðmenn í skólum Malmö þó ekki tilbúnir til þess að votta fyrir þetta hjá Zlatan.

Sara Wettergren, skólastarfsmaður í Svíþjóð sem Sydsvenskan talaði við, sagðist hvorki geta staðfest né neitað þessu, en sagði að hún gæti ekki ímyndað sér að það væri satt að börnin myndu fá frí.Þeir krakkar sem mæta ekki í skólann til þess að fara og sjá Zlatan og styttuna fá því fjarvist í kladdann.

Zlatan er fæddur í Malmö og spilaði fyrstu ár ferils síns þar.