Bein útsending: Ráðherrar boða einfaldara regluverk

Kristján Þór Júlíusson, sjávarútvegs- og landbúnaðarráðherra, og Þórdís Kolbrún Reykfjörð Gylfadóttir, ferðamála-, iðnaðar-, og nýsköpunarráðherra kynna aðgerðaráætlun um einföldun regluverks og boða af því tilefni til blaðamannafundar í atvinnuvega- og nýsköpunarráðuneytinu mánudaginn 21. október kl: 9:30.

Á fundinum verður farið yfir umfangsmiklar aðgerðir sem nú standa yfir til að einfalda regluverk á málefnasviðum ráðherranna. Miklar breytingar verða gerðar, meðal annars með því að fella brott gríðarlegan fjölda reglugerða og breytingar á ýmsum lögum til einföldundar regluverks sem mun hafa mikið að segja fyrir fólkið og atvinnulífið í landinu.

Sjá einnig: Á­frýjunar­heimild Sam­keppnis­eftir­litsins af­numin



Meðal annars stendur til að kynna afnám heimildar Samkeppniseftirlitsins til að skjóta úrskurðum áfrýjunarnefndar samkeppnismála til dómstóla. Í því frumvarpi verður einnig lögð til sú breyting að forstjóri Samkeppniseftirlitsins verði ráðinn af stjórn til fimm ára í senn og aðeins verði hægt að ráða sama manninn tvisvar.

Fundinum er lokið en upptöku frá beinni útsendingu Vísis má sjá hér að neðan.