Bjórelskandi hafnaboltaáhorfandinn fékk sína eigin auglýsingu | Myndband

Jeff Adams varð óvænt stjarna í Bandaríkjunum er hann sleppti því að grípa bolta á leik í World Series en kaus þess í stað að halda þéttingsfast um bjórana sína.

Þeir voru af gerðinni Bud Light sem fékk þar flotta, fría auglýsingu. Þeir gengu lengra, höfðu samband við Adams og birtu þessa auglýsingu í leik sex í World Series í gær.

Bud Light beer fan Jeff Adams gets his own commercial tonight on the Game 6 broadcast pic.twitter.com/V5CCx0mdvo

— Darren Rovell (@darrenrovell) October 30, 2019

Adams hefur því fengið vænan seðil eftir allt saman og örugglega nóg af fríum bjór.

Hann var líka heppinn að boltinn lenti á endanum beint fyrir framan hann og því fékk hann að halda boltanum og missti ekki dropa úr bjórdósunum.