Viðskipti innlent

Þor­steinn Már hættir sem stjórnar­for­maður Síldar­vinnslunar

Eiður Þór Árnason skrifar
Þorsteinn Már Baldvinsson, sem vék sem forstjóri Samherja í síðustu viku, hefur einng sagt af sér sem stjórnarformaður Framherja í Færeyjum.
Þorsteinn Már Baldvinsson, sem vék sem forstjóri Samherja í síðustu viku, hefur einng sagt af sér sem stjórnarformaður Framherja í Færeyjum. Vísir/sigurjón
Þorsteinn Már Baldvinsson, einn stærsti eigandi útgerðarfyrirtækisins Samherja og fyrrverandi forstjóri fyrirtækisins, hefur óskað eftir ótímabundnu leyfi frá stjórnarstörfum sínum fyrir Síldarvinnsluna þar sem hann gegndi stöðu formanns.

Þetta staðfestir Gunnþór Ingvason, framkvæmdarstjóri félagsins, í samtali við fréttastofu en RÚV greindi fyrst frá.

Ingi Jóhann Guðmundsson, sem situr í stjórn félagsins, tekur við sæti stjórnarformanns í stað Þorsteins og Halldór Jónsson varamaður stígur inn í stjórn Síldarvinnslunnar.

Þorsteinn hefur einnig sagt af sér sem stjórnarformaður útgerðarfélagsins Framherja í Færeyjum. Hann steig tímabundið til hliðar sem forstjóri Samherja síðastliðinn fimmtudag í kjölfar umfjöllunar um starfsemi félagsins í Namibíu.

Fjarðabyggð Samherjaskjölin Sjávarútvegur Vistaskipti

Tengdar fréttir

„Samherji í Íslandi er komið í rasshaft“

Ekki hefur verið tekin ákvörðun um það hvort Þorsteinn Már Baldvinsson muni segja sig frá stjórnarformennsku í Framherja í Færeyjum á meðan rannsókn á starfsháttum Samherja í Namibíu stendur yfir.

Forstjóri Samherja veit ekki hvort lög voru brotin

Björgólfur Jóhannsson, starfandi forstjóri Samherja, segir að sér hafi runnið blóðið til skyldunnar þegar honum bauðst að taka við stöðu forstjóra fyrirtækisins, seint á miðvikudagskvöld. Daginn eftir var tilkynnt að Þorsteinn Már Baldvinsson myndi draga sig í hlé meðan innri rannsókn fyrirtækisins á starfsemi Samherja í Namibíu stendur yfir, en hún er í höndum norskrar lögmannsstofu.



Mest lesið


Fleiri fréttir

Sjá meira


×

Mest lesið