Ed Sheeran farinn í frí

Tónlistarmaðurinn Ed Sheeran tilkynnti aðdáendum sínum í dag að hann hyggist taka sér pásu frá tónlistinni að nýju. Sheeran hefur nýlokið Divide-tónleikaferðalagi sínu en á ferðalaginu spilaði hann meðal annars í tvígang á Laugardalsvelli 10. og 11. ágúst.

Í færslu á Instagram-síðu sinni segir söngvarinn breski að nú sé kominn tími til að slaka á, ferðast, skrifa og lesa.

Sheeran þakkar aðdáendum sínum fyrir að vera til og lofar að hann muni eiga endurkvæmt í tónlistarbransann.

Sheeran hefur áður dregið sig í hlé frá tónlistinni það gerði hann árið 2016 áður en að Divide platan kom út.