Fjöldi smitaðra kominn yfir 1.800 eftir tvö ný smit

Tveir greindust með kórónuveiruna hér á landi síðasta sólarhringinn samkvæmt nýjustu upplýsingum á síðunni covid.is. Engin ný smit höfðu greinst síðustu þrjá dagana á undan. Alls hefur nú 1.801 greinst með veiruna hér á landi.

Nú eru 36 manns í einangrun en 1.755 einstaklingar hafa náð bata eftir að hafa greinst með veiruna. Þrír eru enn á sjúkrahúsi en enginn á gjörgæslu. Alls hafa tíu látist vegna Covid-19.

51.663 sýni hafa nú verið tekin og 19.380 manns hafa lokið sóttkví. Enn eru 729 manns í sóttkví.