Þriðji dagurinn í röð án smits

Enginn greindist með kórónuveiruna hér á landi síðastliðinn sólarhring samkvæmt nýjustu upplýsingum á vefsíðunni covid.is.

Þetta er því þrijði dagurinn í röð þar sem engin smit greinast. Tvö ný smit greindust á fimmtudaginn en enginn hafði greinst með veiruna síðustu þrjá daga þar á undan.

Alls hefur 1.801 einstaklingur greinst með kórónuveiruna hér á landi. Átján manns eru í einangrun og stendur sú tala í stað á milli daga, tveir á sjúkrahúsi en enginn á gjörgæslu. Enn eru 578 manns í sóttkví. Tíu manns hafa látist vegna veirunnar.

Alls voru 872 sýni greind hjá Íslenskri erfðagreiningu síðastliðinn sólarhring og 63 hjá sýkla- og veirufræðideild Landspítalans.