#höldumáfram: Þegar farið er út að hlaupa

Nú er rétti tíminn til þess að reima á sig skóna og fara út að hlaupa.

Birna María fer yfir mikilvægt atriði sem þarf að hafa í huga áður en farið er af stað. Hvort sem það er fólk sem er að byrja að hlaupa aftur eftir frí eða að byrja að hlaupa yfir höfuð.

Einnig sýnir Birna sniðuga æfingu til að brjóta upp hlaupahring eða taka í lokin á góðu hlaupi. Krefjandi fyrir þá sem vilja svolítið extra í útihlaupin.

Birna María veit ýmislegt um heilsu en hún hefur meðal annars gert fjölmarga þætti undir nafninu Gym þar sem hún fær þekkta einstaklinga með sér í ræktina og forvitnast um hvernig þeim finnst best að æfa.

Verkefnið #höldumáfram snýr að því að hvetja fólk til að hugsa um líkamlega og andlega heilsu hvort sem það er að taka æfingu, fara í göngutúr, hugleiða eða hvað sem skiptir hvern og einn máli. En þessa dagana þarf fólk að gera það heima eða úti í náttúrunni. Sjá má fleiri æfingar hér fyrir neðan.