Páskaegg uppurin á landinu Vésteinn Örn Pétursson skrifar 12. apríl 2020 11:33 Færri fengu sitt óskaegg en vildu. Vísir/Vilhelm Eftirspurn eftir páskaeggjum hér á landi hefur sjaldan verið meiri. Raunar var hún svo mikil fyrir þessa páska að ekki fengu allir þau egg sem þeir óskuðu sér helst. Framkvæmdastjóri hjá Nóa Síríus segist ekki muna eftir öðru eins og segir að í raun hafi verið um skort á eggjum að ræða. Hann telur að aukinn fjöldi Íslendinga hér á landi sé ein meginástæða þess að eftirspurn eftir páskaeggjum rauk upp úr öllu valdi. „Án þess að maður hafi nú nákvæmar tölur þá gerir maður ráð fyrir að það sé aukinn fjöldi Íslendinga á landinu sem hefur spilað þarna stórt inn í,“ segir Auðjón Guðmundsson, framkvæmdastjóri markaðs- og sölusviðs Nóa Síríus. Hann segir að ástand á páskaeggjamarkaði líkt því sem nú er uppi hafi ekki sést lengi. „Það er kannski líka það að hvorki við né aðrir vorum undirbúnir fyrir þetta ástand. Ekki hjálpaði til að framleiðslan varð miklu erfiðari og seinvirkari eftir samkomubannið. Þá urðum við að gera ýmsar ráðstafanir. Við reyndum allt, og vorum ansi ánægð með hvað við náðum þó miklu út í lokin. En auðvitað væri það draumur að allir myndu fá sitt óskaegg, það er bara þannig.“ Auðjón segir að fyrirtækinu hafi borist fyrirspurnir og beiðnir um að framleiða meira, þar sem sala á eggjum var meiri en áætlað var. „Við vorum að vinna, fólk í framleiðslunni og sölunni og annað, að því að skrapa saman í allt alveg til loka. Bara þar til síðasti toppurinn sem fannst í húsinu var settur á. Það var allt gert til þess að koma út sem flestum eggjum,“ segir hann. Auðjón Guðmundsson, framkvæmdastjóri markaðs- og sölusviðs hjá Nóa Síríus.Aðsend Hann segir að erfitt sé að kvarta, í árferði sem þessu, yfir því að eftirspurn eftir vörunni sé meiri en framboðið, á tímum þar sem tekjur í öðrum atvinnugreinum hafi svo gott sem gufað upp. „Þannig að við getum bara verið þakklát fyrir þetta. Auðvitað hefði maður viljað að allir hefðu fengið það egg sem þeir vildu.“ Hann segir að viðskiptavinir Nóa hafi sýnt mikinn skilning á ástandinu, á sama tíma og það sé skiljanlegt að verslanir hafi sóst eftir því að geta selt hjá sér fleiri egg. Sjálfur hafi hann farið í verslanir bæði á fimmtudaginn og í gær, og séð það að ástandið í eggjamálum er ólíkt því sem venju er samkvæmt. Það sé hreinlega allt að klárast. Bökunarvörur seljast eins og heitar lummur Þá segir Auðjón að merkja megi breytingar í sælgætisneyslu Íslendinga frá því að samkomubann var sett á og fólk hvatt til þess að ferðast sem mest innanhúss. „Fólk er ekki með blandbari þannig að fólk er meira að kaupa Nóa Kropp og kúlur til þess að fylla upp í hitt. Það sem maður hefur tekið mest eftir er að það hefur verið svakaleg sala í bökunarvörum. Suðusúkkulaði og kurli og svoleiðis.“ Af þessu megi álykta að fólk sé í auknu mæli farið að glugga í uppskriftabækurnar og baka sér til dundurs. Internetið logar Netverjar, þá sér í lagi þeir sem til halda á Twitter, fóru ekki varhluta af ástandinu á eggjamarkaðnum og létu að sjálfsögðu vel í sér heyra, líkt og fyrri daginn. Svo virðist sem margir hafi verið of seinir á sér og setið uppi með annað egg en stefnt var á í fyrstu, ef fólk fékk eitthvert egg yfir höfuð.„Sveltur sitjandi kráka en fljúgandi fær“ segir í málshætti nokkrum, sem virðist eiga vel við í þessu tilfelli. Hér að neðan má sjá nokkur tíst frá fólki sem hafði sitt að segja um eggjaleysið. Næsta spurning er fyrir Þórólf. Páskaeggin virðast hafa klárast í verslunum fyrir páska. Er þetta eitthvað sem þið bjuggust við og hefði mögulega verið hægt að bregðast við fyrr? — Atli Fannar (@atlifannar) April 11, 2020 Er einhver svartur markaður fyrir páskaegg í ár? Uppselt allsstaðar virðist vera. Sonur minn mun refsa mér grimmilega— Guðmundur Jörundsson (@gudmundur_jor) April 11, 2020 Var búin að fresta því óþarflega að kaupa páskaegg fyrir kæró og panikkaði þegar ég fór í 5 búðir í dag (daginn fyrir páskadag) og fann ekki það sem kæró vildi svo það endaði með því að ég keypti 3 önnur páskaegg fyrir hann + meira nammiÉg er samt með samviskubit :( pic.twitter.com/b2tfms16yO— elín jósepsdóttir (@elinjoseps) April 11, 2020 Ástandið fór alveg með mig og ég steingleymdi að kaupa páskaegg! Brunaði í Hagkaup bæði í Skeifunni og Garðabæ eftir kvöldmat en allt var uppselt og allar útstillingar horfnar. Iceland kom mér til bjargar og átti nokkur stykki eftir. #páskaegg #seinagangur— Polly (@PollyHilmars) April 11, 2020 HALLÓ ALMANNAMANNANEFND Öll páskaegg eru búin í búðunum..og bara til nr 2. og eitthvað með hvítu súkkulaði ( sem er ógeðslegt) Af hverju er ekki verið að ræða þetta. Það er neyðarástand í samfélaginuWhat is this PÁSKAEGG for ants!!!!!!!! pic.twitter.com/sZ4Xp25c27— Gudni Halldórsson (@GudniKlipp) April 11, 2020 Páskar Sælgæti Neytendur Faraldur kórónuveiru (COVID-19) Atvinna Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Tveir látnir og þrír alvarlega særðir eftir árás í Manchester Erlent Söguðu gat á flugsafn til að stinga inn Boeing 757 Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Demókrötum kennt um og uppsögnum hótað Erlent Fleiri fréttir Býður sig fram til áframhaldandi formennsku Áhyggjuefni hversu mörg börn hafa stöðu sakbornings í ofbeldismálum POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Sjá meira
Eftirspurn eftir páskaeggjum hér á landi hefur sjaldan verið meiri. Raunar var hún svo mikil fyrir þessa páska að ekki fengu allir þau egg sem þeir óskuðu sér helst. Framkvæmdastjóri hjá Nóa Síríus segist ekki muna eftir öðru eins og segir að í raun hafi verið um skort á eggjum að ræða. Hann telur að aukinn fjöldi Íslendinga hér á landi sé ein meginástæða þess að eftirspurn eftir páskaeggjum rauk upp úr öllu valdi. „Án þess að maður hafi nú nákvæmar tölur þá gerir maður ráð fyrir að það sé aukinn fjöldi Íslendinga á landinu sem hefur spilað þarna stórt inn í,“ segir Auðjón Guðmundsson, framkvæmdastjóri markaðs- og sölusviðs Nóa Síríus. Hann segir að ástand á páskaeggjamarkaði líkt því sem nú er uppi hafi ekki sést lengi. „Það er kannski líka það að hvorki við né aðrir vorum undirbúnir fyrir þetta ástand. Ekki hjálpaði til að framleiðslan varð miklu erfiðari og seinvirkari eftir samkomubannið. Þá urðum við að gera ýmsar ráðstafanir. Við reyndum allt, og vorum ansi ánægð með hvað við náðum þó miklu út í lokin. En auðvitað væri það draumur að allir myndu fá sitt óskaegg, það er bara þannig.“ Auðjón segir að fyrirtækinu hafi borist fyrirspurnir og beiðnir um að framleiða meira, þar sem sala á eggjum var meiri en áætlað var. „Við vorum að vinna, fólk í framleiðslunni og sölunni og annað, að því að skrapa saman í allt alveg til loka. Bara þar til síðasti toppurinn sem fannst í húsinu var settur á. Það var allt gert til þess að koma út sem flestum eggjum,“ segir hann. Auðjón Guðmundsson, framkvæmdastjóri markaðs- og sölusviðs hjá Nóa Síríus.Aðsend Hann segir að erfitt sé að kvarta, í árferði sem þessu, yfir því að eftirspurn eftir vörunni sé meiri en framboðið, á tímum þar sem tekjur í öðrum atvinnugreinum hafi svo gott sem gufað upp. „Þannig að við getum bara verið þakklát fyrir þetta. Auðvitað hefði maður viljað að allir hefðu fengið það egg sem þeir vildu.“ Hann segir að viðskiptavinir Nóa hafi sýnt mikinn skilning á ástandinu, á sama tíma og það sé skiljanlegt að verslanir hafi sóst eftir því að geta selt hjá sér fleiri egg. Sjálfur hafi hann farið í verslanir bæði á fimmtudaginn og í gær, og séð það að ástandið í eggjamálum er ólíkt því sem venju er samkvæmt. Það sé hreinlega allt að klárast. Bökunarvörur seljast eins og heitar lummur Þá segir Auðjón að merkja megi breytingar í sælgætisneyslu Íslendinga frá því að samkomubann var sett á og fólk hvatt til þess að ferðast sem mest innanhúss. „Fólk er ekki með blandbari þannig að fólk er meira að kaupa Nóa Kropp og kúlur til þess að fylla upp í hitt. Það sem maður hefur tekið mest eftir er að það hefur verið svakaleg sala í bökunarvörum. Suðusúkkulaði og kurli og svoleiðis.“ Af þessu megi álykta að fólk sé í auknu mæli farið að glugga í uppskriftabækurnar og baka sér til dundurs. Internetið logar Netverjar, þá sér í lagi þeir sem til halda á Twitter, fóru ekki varhluta af ástandinu á eggjamarkaðnum og létu að sjálfsögðu vel í sér heyra, líkt og fyrri daginn. Svo virðist sem margir hafi verið of seinir á sér og setið uppi með annað egg en stefnt var á í fyrstu, ef fólk fékk eitthvert egg yfir höfuð.„Sveltur sitjandi kráka en fljúgandi fær“ segir í málshætti nokkrum, sem virðist eiga vel við í þessu tilfelli. Hér að neðan má sjá nokkur tíst frá fólki sem hafði sitt að segja um eggjaleysið. Næsta spurning er fyrir Þórólf. Páskaeggin virðast hafa klárast í verslunum fyrir páska. Er þetta eitthvað sem þið bjuggust við og hefði mögulega verið hægt að bregðast við fyrr? — Atli Fannar (@atlifannar) April 11, 2020 Er einhver svartur markaður fyrir páskaegg í ár? Uppselt allsstaðar virðist vera. Sonur minn mun refsa mér grimmilega— Guðmundur Jörundsson (@gudmundur_jor) April 11, 2020 Var búin að fresta því óþarflega að kaupa páskaegg fyrir kæró og panikkaði þegar ég fór í 5 búðir í dag (daginn fyrir páskadag) og fann ekki það sem kæró vildi svo það endaði með því að ég keypti 3 önnur páskaegg fyrir hann + meira nammiÉg er samt með samviskubit :( pic.twitter.com/b2tfms16yO— elín jósepsdóttir (@elinjoseps) April 11, 2020 Ástandið fór alveg með mig og ég steingleymdi að kaupa páskaegg! Brunaði í Hagkaup bæði í Skeifunni og Garðabæ eftir kvöldmat en allt var uppselt og allar útstillingar horfnar. Iceland kom mér til bjargar og átti nokkur stykki eftir. #páskaegg #seinagangur— Polly (@PollyHilmars) April 11, 2020 HALLÓ ALMANNAMANNANEFND Öll páskaegg eru búin í búðunum..og bara til nr 2. og eitthvað með hvítu súkkulaði ( sem er ógeðslegt) Af hverju er ekki verið að ræða þetta. Það er neyðarástand í samfélaginuWhat is this PÁSKAEGG for ants!!!!!!!! pic.twitter.com/sZ4Xp25c27— Gudni Halldórsson (@GudniKlipp) April 11, 2020
Páskar Sælgæti Neytendur Faraldur kórónuveiru (COVID-19) Atvinna Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Tveir látnir og þrír alvarlega særðir eftir árás í Manchester Erlent Söguðu gat á flugsafn til að stinga inn Boeing 757 Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Demókrötum kennt um og uppsögnum hótað Erlent Fleiri fréttir Býður sig fram til áframhaldandi formennsku Áhyggjuefni hversu mörg börn hafa stöðu sakbornings í ofbeldismálum POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Sjá meira