210 milljónir til raf­væðingar hafna víðs vegar um land

Guðmundur Ingi Guðbrandsson, umhverfis- og auðlindaráðherra, hefur úthlutað styrkjum til rafvæðingar hafna víðs vegar um land.

Í tilkynningu á vef ráðuneytisins kemur fram að verkefnið sé hluti af fjárfestingaátaki ríkisstjórnarinnar vegna Covid-19 heimsfaraldursins.

Alls verður 210 milljónum króna veitt til styrkja til að stuðla að frekari rafvæðingu hafna og skiptist styrkféð með eftirfarandi hætti.

Styrkir eru veittir til þeirra hafna sem settu fram verkefni sem féllu að skilyrðum átaksins. Verkefni sem styrkt verða þurfa að hefjast eigi síðar en 1. september 2020 og vera lokið fyrir 1. apríl 2021,“ segir í tilkynningunni.

Eftirfarandi hljóta styrk:

• Akureyri - 43,8 milljónir
• Dalvík - 10,3 milljónir
• Faxaflóahafnir - 100,0 milljónir
• Fjarðabyggð - 11,5 milljónir
• Hafnarfjörður - 12,0 milljónir
• Reykjanesbær - 12,0 milljónir
• Seyðisfjörður - 8,9 milljónir
• Snæfellsbær - 6,2 milljónir
• Vestmannaeyjar - 3,4 milljónir
• Þorlákshöfn - 1,9 milljónir