Sport

Fjölnir fékk mest: 300 milljónir greiddar út til íþrótta- og ungmennafélaga

Óskar Ófeigur Jónsson skrifar
Lilja Alfreðsdóttir, menntamálaráðherra, lofaði íþrótta- og ungmennafélögum hér á landi 450 milljónum vegna áhrifa COVID-19 og nú hafa fyrstu 300 milljónirnar verið greiddar út. Hér heilsar Lilja leikmönnum fyrir bikarúrslitaleik í Laugardalshöll.
Lilja Alfreðsdóttir, menntamálaráðherra, lofaði íþrótta- og ungmennafélögum hér á landi 450 milljónum vegna áhrifa COVID-19 og nú hafa fyrstu 300 milljónirnar verið greiddar út. Hér heilsar Lilja leikmönnum fyrir bikarúrslitaleik í Laugardalshöll. Vísir/Daníel

Íþrótta-og Ólympíusamband Íslands hefur nú greitt til íþrótta- og ungmennafélaga tæplega 300 milljónir króna af 450 milljón króna framlagi ríkisins til íþróttahreyfingarinnar vegna áhrifa Covid-19.

Íþrótta-og Ólympíusamband Íslands birtir það á heimasíðu sinni í dag hvernig peningarnir skiptast á milli íþrótta- og ungmennafélaganna.

Úthlutunin byggir á tillögum vinnuhóps sem ÍSÍ skipaði þann 25. mars síðastliðinn til að móta tillögur að skiptingu þeirra fjármuna sem renna frá ríkinu til íþróttahreyfingarinnar til að mæta áhrifum Covid-19 og samþykktar voru af mennta- og menningarmálaráðuneytinu og framkvæmdastjórn ÍSÍ.

Tillögurnar bera með sér styrkúthlutanir til hreyfingarinnar, annars vegar með almennri aðgerð og hins vegar sértækri aðgerð.

Ungmennafélagið Fjölnir í Grafarvogi fékk mest allra félega eða meira en átján og hálfa milljón. Fjölnir fékk meira en tveimur milljónum meira en næsta félag sem var Ungmennafélagið Breiðablik í Kópavogi. Ungmennafélagið Stjarnan varð síðan í þriðja sæti.

Sjö félög fengu meira en tíu milljónir þar af voru tvö félög í Kópavogi og öll nema eitt af höfuðborgarsvæðinu. Hér fyrir neðan má sjá hvaða félög fengu mestan pening en þetta eru þau 47 félög sem fengu meira en milljón. Það má sjá allan listann hér.

214 íþrótta- og ungmennafélög innan ÍSÍ hlutu greiðslu með almennu aðgerðinni og er það í höndum aðalstjórna íþróttafélaga að ráðstafa framlaginu innan síns félags til þeirra deilda/verkefna sem hafa orðið fyrir tjóni vegna Covid-19.

Framlagið er ekki styrkur heldur hugsað til að koma til móts við það tjón sem hefur orðið innan íþróttahreyfingarinnar á Íslandi.

lög sem fengu meira en milljón:

  • 1. Ungmennafélagið Fjölnir 18.542.804
  • 2. Umf.Breiðablik 16.138.998
  • 3. Umf. Stjarnan 15.568.902
  • 4. Handknattleiksfélag Kópavogs 13.464.838
  • 5. Íþróttafélagið Fylkir 10.737.782
  • 6. Umf. Selfoss 10.502.691
  • 7. Fimleikafélag Hafnarfjarðar 10.497.325
  • 8. Ungmennafélagið Afturelding 8.986.354
  • 9. Knattspyrnufélagið Fram 8.792.404
  • 10. Íþróttafélag Reykjavíkur 8.163.535
  • 11. Keflavík íþrótta-og ungmennafélag 8.063.622
  • 12. Knattspyrnufélag Akureyrar 7.828.531
  • 13. Glímufélagið Ármann 7.816.813
  • 14. Knattspyrnufélagið Haukar 6.633.655
  • 15. Íþróttafélagið Gerpla 6.411.550
  • 16. Íþróttafélagið Grótta 6.383.232
  • 17. Knattspyrnufélagið Víkingur 6.329.826
  • 18. Knattspyrnufélagið Valur 5.750.620
  • 19. Tennis og badmintonfélag Reykjavíkur 5.009.118
  • 20. Umf. Grindavíkur 4.972.175
  • 21. Íþróttafélagið Þór Ak. 4.760.593
  • 22. Knattspyrnufélagið Þróttur 4.750.705
  • 23. Fimleikafélagið Björk 4.631.081
  • 24. Ungmennafélagið Tindastóll 4.219.884
  • 25. Íþróttafélagið Vestri 3.255.671
  • 26. Umf. Sindri 2.950.971
  • 27. Íþróttafélagið Höttur 2.821.092
  • 28. Umf. Njarðvíkur 2.709.424
  • 29. Golfklúbbur Kópavogs og Garðabæjar 2.406.012
  • 30. Íþróttafélagið Völsungur 2.374.419
  • 31. Fimleikafélag Akureyrar 2.350.793
  • 32. ÍBV Íþróttafélag 2.133.151
  • 33. Hestamannafélagið Sprettur 2.080.057
  • 34. Íþróttafélagið Hamar 2.067.098
  • 35. Skautafélag Reykjavíkur1.804.677
  • 36. Klifurfélag Reykjavíkur 1.589.446
  • 37. Umf. Skallagrímur 1.430.989
  • 38. Umf. Þór Þorl. 1.422.301
  • 39. Hestamannafélagið Fákur 1.394.546
  • 40. Sundfélagið Ægir 1.391.185
  • 41. Fimleikafélag Akraness 1.374.907
  • 42. Knattspyrnufélag ÍA 1.320.618
  • 43. Badmintonfélag Hafnarfjarðar 1.166.776
  • 44. Skautafélag Akureyrar 1.101.355
  • 45. Umf. Álftaness 1.099.115
  • 46. Umf. Svarfdæla 1.031.023
  • 47. Íþróttafélagið Þróttur Nes. 1.022.135

Reiknireglan er eftirfarandi:

Framlagið skiptist milli íþróttafélaga sem starfrækja skipulagt íþróttastarf fyrir börn og unglinga 6 - 18 ára og höfðu að lágmarki skráðar 20 iðkanir, 6-18 ára, samkvæmt starfsskýrslum sem skilað var inn í félagakerfi ÍSÍ og UMFÍ árið 2019.

Iðkendur í almenningsíþróttadeildum, samkvæmt skráningu ÍSÍ og UMFÍ, teljast ekki með vegna mismunandi túlkunar á skráningu iðkenda í þær deildir.

Við skiptingu milli félaga skal farið eftir fjölda iðkana. Þar skal miðað við fjölda iðkana 6-18 ára samkvæmt talnagrunni ÍSÍ og UMFÍ 2019, að undanskildum iðkendum í almenningsíþróttadeildum. Vægi iðkana í útreikningi er óháð búsetu þeirra.

Tillit er tekið til fjölgreinafélaga í reiknireglunni. Heildarframlag fjölgreinafélaga hækkar með veldisvexti fyrir hverja grein umfram eina og til og með fimmtu greininni.

Úthlutun til einstaks íþróttafélags getur ekki orðið hærri en 3% af veltu félagsins samkvæmt staðfestum reikningsskilum 2019 fyrir árið 2018 (fjárhagslegar tölur frá árinu 2018).

Samtals verður úthlutun á grundvelli ofangreinds 300 milljónir króna.

Faraldur kórónuveiru (COVID-19) Íþróttir Fjölnir

Mest lesið


Fleiri fréttir

Sjá meira


×

Mest lesið